22 Oktyabr 2021 18:18
903
İQTİSADİYYAT
A- A+

BP-nin dəstəyi ilə Adaptiv Strateji İdarəetmə Proqramı yeni qrupların təliminə başlayır

 

BP və tərəfdaşlarının dəstəyi ilə ADA Universitetində fəaliyyət göstərən Adaptiv Strateji İdarəetmə Proqramı bu həftə iki yeni qrupla təlimlərə başlayıb.

Şirkətdən AZƏRTAC-a bildirilib ki, bundan əvvəl proqram çərçivəsində ilk iki qrupun 44 nəfər iştirakçısı 2020-ci ilin may ayında təlimləri uğurla bitirib.

Yeni qruplara 39 iştirakçı qoşulub və onların təlimləri bu ilin sonunadək davam edəcək. Proqramı uğurla başa vuran iştirakçılara Dyuk Universitetinin (ABŞ) Fuqua Biznes Məktəbinin sertifikatları veriləcək.

Adaptiv Strateji İdarəetmə Proqramı beynəlxalq miqyasda tanınmış bir təlim proqramıdır. Bu proqramı Azərbaycana ilk dəfə olaraq gətirməkdə məqsəd qeyri-müəyyənlik və dəyişiklik zamanı təşkilatların öz hədəf və strateji məramlarına doğru məqsədyönlü şəkildə irəliləməsi, rəqabətədavamlı və uğurlu fəaliyyətini davam etdirməsi üçün bu cür dəyişikliklərə uyğunlaşa bilmələrinə kömək etməkdir.

Adaptiv Strateji İdarəetmə Proqramı BP və tərəfdaşlarının biznes təhsili üzrə beynəlxalq təcrübənin Azərbaycana gətirilməsini dəstəkləyən sosial sərmayə layihəsidir. Bu layihə biznes idarəetmə təhsili üzrə mövcud tələbatı qarşılamağa və bu sahədə yerli təşkilatların rastlaşdığı çətinlikləri aradan qaldırmağa kömək etmək üçün nəzərdə tutulub. Layihə ABŞ-da yerləşən “Korn Ferry” (əvvəlki adı - “TwentyEighty Strategy Execution”) beynəlxalq təlim şirkəti tərəfindən ADA Universiteti ilə tərəfdaşlıq çərçivəsində həyata keçirilir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video