Bolonya arxiyepiskopu: Azərbaycanda müxtəlif dini konfessiyaların nümayəndələri üçün yaradılan şərait təqdirəlayiqdir
Qafqaz Müsəlmanları İdarəsinin (QMİ) sədri şeyxülislam Allahşükür Paşazadə İtaliyada keçirilən “G20 VIII Dinlərarası Forum” zamanı Bolonya arxiyepiskopu kardinal Matteo Zuppi ilə görüşüb.
AZƏRTAC xəbər verir ki, görüşdə şeyxülislam Allahşükür Paşazadə Prezident, Müzəffər Ali Baş Komandan İlham Əliyevin rəhbərliyi və xalqın yenilməz iradəsi ilə ölkəmizin öz ərazi bütövlüyünü bərpa etdiyini deyib. QMİ sədri Qarabağ münaqişəsinə son qoyulmasına baxmayaraq, hələ də həmin ərazilərdə düşmən tərəfindən basdırılmış minaların qaldığını qeyd edib, bunun vətəndaşlarımızın doğma dədə-baba torpaqlarına qayıtmalarına maneə yaratdığını bildirib. Şeyxülislam düşmənin həmin ərazilərdəki məscidləri tövləyə çevirdiyini, hətta İslamda haram buyurulan heyvanlar saxladığını, Ermənistanın Qarabağda 30 ilə yaxın davam edən hərbi təcavüz və işğal nəticəsində Azərbaycanın mədəni irsinə çox böyük ziyan vurduğunu deyib. O, Bolonya arxiyepiskopunu vəziyyətlə yerində tanış olmaq məqsədilə Azərbaycana səfərə dəvət edib.
Bolonya arxiyepiskopu kardinal Matteo Zuppi münaqişəyə Azərbaycan tərəfindən son qoyulmasından məmnunluğunu ifadə edib. O deyib: “Birgə yaşamağa yönələn təşəbbüsləri dəstəkləmək hər birimizin səylərindən olmalıdır. Hər birimiz qəddarlığa yol açan təşəbbüslərin qarşısının alınmasına səy göstərməliyik”.
M.Zuppi Azərbaycanın mədəni-maddi irsin qorunması ilə bağlı yanaşmasını yüksək qiymətləndirdiyini bildirib. Azərbaycanda müxtəlif dini konfessiyaların nümayəndələri üçün yaradılan şəraitin təqdirəlayiq olduğunu deyib.
Bolonyanın dünyanın ən qədim universitet şəhərlərindən biri olduğunu bildirən kardinal Matteo Zuppi Bolonya Dövlət Universiteti ilə Azərbaycan universitetləri arasında əməkdaşlığın genişləndirilməsini təklif edərək, gələcəkdə azərbaycanlı tələbələr üçün təqaüdlərin ayrılmasının mümkünlüyünü qeyd edib. O, həmçinin 2022-ci ildə Bolonya Universitetində dini fənlər fakültəsinin yaradılacağını bildirərək, azərbaycanlı müdavimlərin orada təhsil alacaqlarına ümidvar olduğunu vurğulayıb.
Vatikanın Dinlərarası Pontifik Şurasının İslam ilə dialoq departamentinin sədri Xaled Akaşe Azərbaycanın işğaldan azad edilən ərazilərdə müxtəlif dinlərə məxsus məbəd və abidələrin bərpasını həyata keçirməsini təqdirəlayiq hal kimi qiymətləndirib. O, Azərbaycan Respublikasının Birinci vitse-prezidenti Mehriban Əliyevanın təşəbbüsü ilə Heydər Əliyev Fondunun Vatikanda dünya və dini irsinin qorunması ilə bağlı səyləri xüsusi qeyd edib.
2020-ci ildə koronavirusla əlaqədar şeyxülislam başda olmaqla, Azərbaycanın dini konfessiyalarını təmsil edən nümayəndə heyətinin Vatikana səfərinin və Roma Papası I Fransisk ilə görüşünün təxirə salındığını bildirən X.Akaşe yaxın zamanda bu dəvətin yenilənəcəyini diqqətə çatdırıb.
Görüşdə Azərbaycanın İtaliyadakı səfiri Məmməd Əhmədzadə də iştirak edib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Qafqazda sülhü savaşa çevirmək istəyən kənar qüvvələr var
29 Mart
Ermənistan başqalarının əlində alətə çevrilmişdir
29 Mart
İmperializmin təzahürü
29 Mart
Bakı asan rəqib deyil
29 Mart
Qərb Cənubi Qafqazı yeni fəlakətə sürükləmək istəyir
29 Mart
Terror bəşəriyyət üçün təhlükədir
29 Mart
Qərbin məkri Ermənistanı ağır duruma salacaq
29 Mart
Solovyov ermənilərin maşası olmağından "şərəf" duyur
29 Mart
Makron İlham Əliyevə yenə uduzdu
29 Mart
Orta dəhliz hazırda ən etibarlı marşrutdur
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!