25 Sentyabr 2011 03:09
451
Mədəniyyət
A- A+

Bişkekdə nəşr olunan «Türkel» qəzetində Azərbaycanın birinci xanımı Mehriban Əliyevanın fəaliyyəti haqqında geniş material dərc edilmişdir

 

Bişkekdə Azərbaycan, qırğız, türk və rus dillərində nəşr olunan Türkiyə, Qazaxıstan, Qırğızıstan, Özbəkistan və digər ölkələrdə yayılan "Türkel"  qəzetinin  bu günlərdə çapdan çıxmış nömrəsində Azərbaycanın birinci xanımı,  Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban Əliyevanın fəaliyyətinə dair türk və rus dillərində geniş material dərc olunmuşdur.

Məqalədə Mehriban Əliyevanın Azərbaycan mədəniyyətinin dünyada təbliği, Ermənistan-Azərbaycan, Dağlıq Qarabağ münaqişəsi haqqında həqiqətlərin beynəlxalq ictimaiyyətə çatdırılması istiqamətindəki fəaliyyəti, ölkəmizdə səhiyyənin və təhsilin inkişafına verdiyi töhfələr və s. haqqında ətraflı məlumat verilir.

"Türkel" qəzetinin baş redaktoru, filologiya  elmləri namizədi Ramiz Məşədihəsənli AzərTAc-ın xüsusi müxbirinə bildirmişdir ki, Türkiyə Prezidenti Abdullah Gülün himayəsi və dəstəyi ilə nəşr edilən "Altın Köprü" jurnalının  növbəti nömrəsində də Mehriban xanım Əliyevanın fəaliyyətinə dair geniş məqalə veriləcəkdir. İlin sonunadək isə Bişkekdə "Türkel" Beynəlxalq İctimai Təşkilatı tərəfindən Azərbaycanın birinci xanımının fəaliyyətinə həsr olunmuş "Mehriban Əliyeva və Azərbaycan mədəniyyəti" mövzusunda  "dəyirmi masa" keçirilməsi nəzərdə tutulmuşdur. 

 

Qulu KƏNGƏRLİ,

AzərTAc-ın xüsusi müxbiri

 

Bişkek

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video