15 Aprel 2018 12:04
947
Oxucu məktubları
A- A+

Bir arzumuz da çin olur

 

Hamı istəyir ki, gedəcəyi yerə tez çatsın, yol yorğunu olmasın. Xüsusən də ağır xəstə olanda, ortaya təcili iş çıxanda bu arzu, bu istək özünü daha çox büruzə verir. O da məlumdur ki, bütün yolları eyni vaxtda nə təmir etmək, nə də təzəsini çəkmək mümkündür. Amma ölkəmizdə dövlət səviyyəsində yüksəksəviyyəli yollar çəkiləndə, köhnələri təmir ediləndə əmin idik ki, bizim yollara da növbə çatacaq.

Artıq bu arzumuz da çin olur. Başqa sözlə, bizim Şəki rayonunda uzunluğu 50,9 kilometr olan Çayqaraqoyunlu-Turan-Cəyirli-Qozlubulaq-Sarıca-Qayabaşı-Bolludərə-Qaratorpaq avtomobil yolunun yenidən qurulmasına başlanılıb. Yenidənqurma işləri bu ərazidə yaşayan sakinlərin xüsusən payız-qış aylarında gediş-gəlişlə bağlı çətinliklərini aradan qaldıracaq, yük və sərnişin daşınmasını asanlaşdıracaq. Həmçinin respublikanın iki əsas avtomobil yoluna çıxış əldə olunmaqla məsafə də xeyli qısalacaq. Bu yolun bir əhəmiyyəti həm də ondadır ki, 11 min əhalinin yaşadığı 8 yaşayış məntəqəsini birləşdirir. Biz də bu yolun çəkilişində əməyi olan, iştirak edən insanlara əliniz, qolunuz var olsun deyirik.

 

İlya HƏSƏNOV,

Şəki rayonu Bolludərə kənd sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video