12 Iyun 2014 09:06
442
Elm və texnika
A- A+

Bill Gatesdən 9 liderlik sirri

Satışda uğur qazanan insanların liderlik sirlərini izah edən bir çox kitab var: ” Atillanın Liderlik Sirləri”, ” Çingiz Xanın Liderlik Sirləri” və s. Dövrümüzün ən əhəmiyyətli insanlarından biri və hələ də dünyanın ən zəngin insanı olan Bill Gatesin liderlik sirrləri isə çox bilinmir. Bu yazıda onun sıfırdan başlayıb dünyanın ən zəngin insanı olmasının sirlərini izah etməyə çalışacağıq.

Sirr 1: Bir vizion sahibi olmaq. 
Bill Gates kiçik yaşlarından bəri kompüterin əhəmiyyətini və insan həyatında tutacağı yeri çox yaxşı qavramış bir insandır. Yaxın dostu və Microsoftun qurucu ortağı Paul Allen ilə tez-tez kompüterin inkişafı haqqında müzakirələr, müxtəlif düşüncələr aparmışlar. Bu müzakirələrin nəticəsində irəlidə hər kəsin evində və işində özünə aid bir kompüter sahibi olacağını təxmin edirmişlər.

Sirr 2: Çox işləmək. 
Bill Gates çox ağıllı bir insandır. Amma ağıllı olmağın tək başına yetməyəcəyini, çox çalışılması gərək olduğunu düşünür və çox çalışır. Evlənmədən əvvəl birlikdə olduğu sevgilisindən ayrılmasının səbəbi iş xaricində keçirdiyi ümumi zamanın yalnız 7 saat olmasıdır ( yuxu daxil). Yanında çalışan insanlardan da eynisini gözləyir.

Sirr 3: Ağıllı işçilərlə çalışmaq. 
Proqram təminatı texnologiya baxımından ən uc sektorlardan biridir. Belə bir sektorda sıravi insanlarla çalışılamayacağını, ağıllı insanlarla çalışılması lazım olduğunu düşünür və şirkətinə həmişə ən ağıllı insanları işə götürməyə çalışır. Ağıllı işçi kimdir, ağıllı olduğunu necə bilmək olar kimi suallara belə cavab verir: Ağıllı insan, hər şeyin bir-bir deyilməsi lazım olmadığı bir adamdır. Microsoft işlədəcəyi ağıllı işçiləri tapmaq üçün çox araşdırma edir. Sırf işçi lazımdı deyə kimisə qəbul etmirlər. İstədikləri adamı tapmaq üçün bir vəzifəni uzun müddət boş saxladıqları da olur. 

Sirr 4: İşçilərə səhm vermək. 
Bill Gates özü də daxil olmaq üzrə işçilərinə yüksək, astronomik ödənişlər vermir. Microsoftun heç bir işçisi dünyanın ən yüksək ödənişli işçiləri siyahısına girə bilmir. Bunun yerinə ağıllı işçiləri cəlb edə bilmək üçün onlara səhm verir. Məsələn, Bill Gates Microsoftun indiki başçısı olan Steve Ballmeri işə razı sala bilmək üçün çox böyük səhm vermişdi. Ballmer bu hissələr sayəsində indi böyük bir sərvətə sahibdir ( 10 milyard dollardan çox ). İşçilərə səhm vermək Amerikada məşhur bir tətbiq üsuludu, amma heç bir şirkətdə bu ölçüdə səhm paylanmasına rast gəlinmir.

Sirr 5: İşçilərə dəyər vermək. 
Microsoft ən ağıllı insanlarla işləmək istəyir və onları itirmək istəmir. Bill Gates bir yazısında işdən ayrılan hər işçinin arxasından ” nə üçün ayrıldı, nə üçün onu təmin edə bilmədik, harada səhv etdik ” suallarını soruşduğunu söyləyirdi. Işçilər Microsoftun ən qiymətli varlıqlarıdı. Işlərinin hər anında bunu hiss edirlər. Bunun nəticəsində də Microsoftda işçi dövranı ABŞ ortalamasına görə iki qat aşağıdı.

Sirr 6: Bazarın inkişafını izləmək. 
Tez inkişaf edən sektorda geridə qalmaq yox olmaq deməkdir. Bill Gates heç bir sahədə bazar inkişafından geridə qalmaq istəmir.Geridə qaldığı zaman öz səhvini tez başa düşüb lazımi tədbirləri görür.

Sirr 7: Bazarın inkişafını izləməklə qalmayıb, bazarı formalaşdırmaq.
Bill Gatesin və Microsoftun şüarı We set the standards ( standartları biz qoyuruq ). Microsoftun tarixi bu şüara uyğun gələn müxtəlif nümunələrlə doludu. Məsələn, fərdi kompüterlərdə istifadə edilən proqramlaşdırma dili mövzusunda Microsoftun məhsulu Basic bir standartdı. DOS əməliyyat sistemi və daha sonralar çıxardığı Windows əməliyyat sistemi bazardakı ən məşhur məhsullar oldu.

Sirr 8: Bir məsələyə fokuslanmaq. 
Microsoft, proqram təminatı sahəsində çalışan bir şirkətdir. Gəlirinin 90 faizdən çoxu proqram təminatından gəlir. Proqramın təminatı ilə yanaşı mouse, oyun cihazları, səs kartı kimi aksesuarlar da istehsal olunur amma bunlar əsasən Microsoftun proqram təminatı texnologiyalarını dəstəkləmək üçündür.

Sirr 9: Təvazökar bir həyat sürmək. 
Rəqiblərinin demək olar hamısının xüsusi təyyarəsi, xüsusi yaxtası və s. olduğu halda Bill Gates çox sadə həyat tərzi sürür. Bill Gatesə niyə təyyarəsi, yaxtası və s .olmadığını sual verdikdə belə cavab verir: Elə yaşasam başqa cür düşünməyə başlıyaram və indikindən çox fərqli bir şəxsiyyətə sahib olaram və lazımınca çalışa bilmərəm.



Tərcümə: Fərid Mehrəlizadə

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video