Aparılan araşdırmalar qarşıdakı illərdə monitor və mikrofona ehtiyacımızın olmayacağını göstərir. Telefonların geyim və əşyalara belə inteqrasiya ediləcəyi proqnozlaşdırılır.

İndi bu cihazları beyninizlə əlaqəli bir interfeysə bağladıqdan sonra tətbiqləri və mesajları yalnız düşüncə ilə oxuduğunuzu və yönləndirdiyinizi xəyal edin. “Qara Güzgü” seriyasından bir fikir kimi görünsə də, son 30 ildə smartfonların dəyişməsini düşünsək, gələcəkdə bu tamamilə mümkündür.

Bircə eynəklə telefon, planşet, noutbuk və digər bu kimi elektronik əşyalara sahib çıxmaq mümkün olacaq. Əlinizə baxmağınızla eyni anda böyük ekranlı bir telefon görəcəksiniz. Ad seçmək üçün ekrana toxunmağa ehtiyac olmayacaq. Göz hərəkətlərini izləyən ağıllı sistem vasitəsilə hər şeyi baxaraq həll edəcəksiniz. Bu son olacaqmı? Əlbəttə ki, yox!

Bir sonrakı addımda bütün texnologiyaların bir linza səviyyəsinə endiyini görəcəksiniz. Ağıllı linzalarla ürəyimiz istəyən hər şeyi görə biləcəyik. Hazırda Sony, Samsung və Google şirkətlərinin ağıllı linzalar üçün aldığı patentlər mövcuddur. Həmin linzalar göz suyu vasitəsilə enerji yığacaq. Gözdən sonra əsas meyar beyinlərimiz olacaq. Daimi olaraq internetə bağlı, bir məlumat lazım olduqda data bazasından endirən və özünü təkmilləşdirən bir formaya düşəcək beyinlər bəlkə də Matriksin qapılarını aralamağımıza kömək edəcək. Bununla Marsa fiziki olaraq getmədən də bu prosesi bir göz qırpımında yalnız vizual deyil, həm də duyğularımızla hiss edə biləcəyik.

Ülkər XASPOLADOVA,

“Azərbaycan”