06 Yanvar 2012 12:01
369
İQTİSADİYYAT
A- A+

Beyləqan rayonunun 2 kəndi təbii qazla təchiz olunub

 

"Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı"na uyğun olaraq ölkənin bütün bölgələrində qaz təchizatı sisteminin yenidən qurulması, kənd və qəsəbələrin qazlaşdırılması istiqamətində aparılan işlər davam etdirilir.

ARDNŞ-nin "Azəriqaz" İstehsalat Birliyi tərəfindən bu istiqamətdə həyata keçirilən tədbirlərin nəticəsidir ki, respublikanın qaz təchizatı sistemində mövcud olan problemlər aradan qaldırılır, uzun müddət təbii qaz almayan yaşayış massivləri "mavi yanacaq"la təmin olunur.

Ötən ilin sonunda Beyləqan rayonunun Əlinəzərli və I Aşıqlı kəndlərinə ilk dəfə təbii qaz verilmişdir. Bu münasibətlə keçirilmiş tədbirlərdə "Azəriqaz" İB-nin və Beyləqan Rayon İcra Hakimiyyətinin rəhbərliyi, ictimaiyyət nümayəndələri, kənd ağsaqqalları iştirak etmişlər. Bildirilmişdir ki, 191 abonenti olan Əlinəzərli kəndinin qazlaşdırılması məqsədi ilə 17000 metr uzunluğunda polietilen boru çəkilmiş, 191 sayğac və fərdi tənzimləyici quraşdırılmışdır. 358 abonenti olan I Aşıqlar kəndinin qazlaşdırılması üçün isə 4400 metr uzunluğunda daşıyıcı və 31000 metr uzunluğunda polietilen borular vasitəsi ilə məhəllədaxili qaz xətləri çəkilmiş, 358 ədəd sayğac və fərdi tənzimləyici quraşdırılmışdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video