31 Mart 2016 12:03
1094
Oxucu məktubları
A- A+

Bazarlarda bolluq və ucuzluqdur

 

Ərzaq təhlükəsizliyi önəmli məsələdir. İllər əvvəl bazarlarımızda satılan mənşəyi məlum olmayan ərzaq məhsullarını məcburən alıb istifadə edəndə sağlamlığımızı və gələcəyimizi nə qədər təhlükəyə atdığımızı düşünürdüm. Amma çarə yoxdu: olanla, təklif edilənlə keçinməli idik. Şükür ki, belə hal uzun sürmədi - istehlak bazarında yerli məhsullar dominantlıq etməyə başladı. Eləcə də keyfiyyətə nəzarət mexanizmi təkmilləşdirildi. İndi istifadə etdiyimiz ərzaq məhsullarının əksəriyyəti yerli istehsaldır, qiymətləri münasib,  keyfiyyətləri də yüksəkdir. İlin bu fəslində bazardan aldığımız bütün ərzaqların, hər cür ət və süd məhsullarının, meyvə-tərəvəzin keyfiyyətinə artıq şübhəm yoxdur. Dükan-bazarlarımızda yerli məhsulların bolluğu isə məqsədyönlü sosial-iqtisadi siyasətin, kənd təsərrüfatına göstərilən qayğının nəticəsidir. Əgər son illər yeni istixanalar, soyuducu anbarlar yaradılmasaydı, qış fəslində belə bolluq və ucuzluq olmazdı.

Muxtar respublikanın bazar və ticarət obyektlərində nə süni qiymət artımına rast gəlirik, nə də gündəlik tələbat mallarının və digər istifadə etdiyimiz məhsulların qıtlığından şikayətimiz var. Bu haqda yalan xəbərlər yaymaqla əhali arasında çaşqınlıq yaradanları və vətəndaşları dövlətdən narazı salmaq istəyənləri qınayırıq. Belə insanlara deyiləcək tək bir sözümüz var: əl-qolunuzu çırmalayıb bir işin qulpundan yapışın, ölkəyə, millətə fayda verin. Yaxud, heç olmasa, başqalarına - iş görənlərə mane olmayın.

 

Ramiz QULİYEV,

Naxçıvan şəhər sakini 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video