30 Iyul 2021 14:55
819
DÜNYA
A- A+

Baş verən yanğınlar nəticəsində Antalyada indiyədək 2300 tikili zərər görüb

 

Türkiyənin xarici işlər naziri Mövlud Çavuşoğlu, kənd təsərrüfatı və meşə naziri Bekir Pakdemirli, ətraf mühit və şəhərsalma naziri Murat Kurum və nəqliyyat və infrastruktur naziri Adil Karaismailoğlu ölkənin müxtəlif bölgələrində baş verən yanğınlarla bağlı birgə açıqlama veriblər.

AZƏRTAC xəbər verir ki, açıqlamada hazırda davam edən yanğınların söndürülməsi istiqamətində ciddi irəliləyişlərin olduğu bildirilib.

Qeyd olunub ki, ölkəni əhatə edən yanğınların baş vermə səbəbləri araşdırılır. Hələ ki, yanğınların qəsdən törədilməsi ilə bağlı dəqiq bir məlumat yoxdur. Keçən il Türkiyədə üç min yanğın faktı qeydə alınıb ki, bu yanğınlar nəticəsində 20 min hektar ərazi məhv olub. Hazırda havada neçə vasitənin söndürmə işlərində iştirak etdiyi deyil, nə qədər suyun səpildiyi daha vacibdir. Bunun üçün bütün imkanlar səfərbər olunub. Üç təyyarə, doqquz İnsansız Hava Vasitəsi (İHA), insansız helikopter, bir su tankı, 38 helikopter, 680 yanğınsöndürmə maşını, 55 iş maşını və 4 min nəfərlik heyətlə yanğının söndürülməsi işləri davam edir.

İlkin araşdırmalara əsasən, baş verən yanğınlar nəticəsində Antalyada bu vaxtadək 2300 tikili zərər görüb. Araşdırmalar davam edir.

Xatırladaq ki, indiyədək 57 bölgədə yanğın nəzarət altına alınıb, dörd nəfər həlak olub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video