Bakıda Türkdilli Dövlətlərin Əməkdaşlıq Şurasına üzv ölkələrin turizm nazirlərinin ikinci görüşü keçirilib
Mayın 20-də Bakıda Türkdilli Dövlətlərin Əməkdaşlıq Şurasına (TDƏŞ) üzv ölkələrin turizm nazirlərinin ikinci görüşü keçirilib.
AZƏRTAC xəbər verir ki, tədbirdə TDƏŞ çərçivəsində əməkdaşlığın, bu quruma üzv ölkələr arasında turizm üzrə əlaqələrin genişləndirilməsi, türk dünyasının maddi və qeyri-maddi irsinin turizm vasitəsilə təbliği, dövlət və özəl sektor arasında birgə fəaliyyətin təşviqi məsələləri, nəzərdə tutulan layihələr və tədbirlər, həmçinin indiyədək əldə olunmuş nailiyyətlər müzakirə edilib. Görüşdə TDƏŞ-in turizm üzrə işçi qrupunun beşinci iclasının yekunları barədə də fikir mübadiləsi aparılıb.
Mədəniyyət və turizm naziri Əbülfəs Qarayev nazirliyin sifarişi əsasında “Sinam” şirkəti tərəfindən hazırlanmış GoMap.az (www.gomap.az) elektron naviqasiya sisteminə TDƏŞ-ə üzv ölkələrin qoşulması ilə bağlı təklif irəli sürüb. Nazir bildirib ki, naviqasiya sisteminin elektron xəritəsinə Azərbaycan ərazisində yerləşən 63000-dən çox obyekt (POI), 4530 yaşayış məntəqəsi, 3300 mədəni-tarixi abidə, 70 şəhər və yaşayış məntəqəsi üzrə ünvanlı məlumat, 670000 bina və tikililər, 43000 km yol (hərəkət qaydaları və yol nişanları daxil olmaqla), 23770 km yaşıllıq sahələri, meşələr və digər məlumatlar daxil edilib. Elektron xəritədə bu məlumatlar sxem və ya 3D formatındadır. Mədəni-tarixi abidələr üzrə fotolar da elektron xəritədə yerləşdirilib.
Azərbaycan, ingilis və rus dillərində hazırlanmış elektron xəritə istənilən tikili üzrə böyüdülə bilər. Elektron xəritə həmçinin mövcud olan digər bu tip sistemlərə (məsələn, Google Satellite) inteqrasiya edilib.
Elektron xəritədə, həmçinin marşrutun çəkilməsi funksiyası var. Bu funksiya xüsusilə turistlər üçün çox faydalı ola bilər. Regionlara səyahət etmək istəyən hər bir turist GoMap.az vasitəsilə lazımi marşrutu çəkib, onu çap formasında özü ilə apara bilər.
Naviqasiya sisteminin Gürcüstan və Türkiyənin də ərazilərini əhatə edir. Əbülfəs Qarayev bildirib ki, Qazaxıstan və Qırğızıstanın da bu sistemə qoşulması ilə türkdilli dövlətlərin vahid naviqasiya sistemini yaratmaq olar. Bunun üçün maliyyə vəsaitinin sərf olunması lazım deyil, ölkələrin məsul qurumlarının lazımi məlumatları toplayıb “Sinam” şirkətinə təqdim etməsi kifayətdir. Nazirin bu təklifi görüş iştirakçıları tərəfindən müsbət qarşılanıb.
Mədəniyyət və turizm naziri “Bakı-2015” birinci Avropa Oyunları zamanı sistemə girişin tamamilə pulsuz olacağını bildirib.
Tədbirdə TDƏŞ-ə üzv ölkələrin turizm sahəsində özəl sektor nümayəndələrinin rolunun artırılması və onlar arasında əməkdaşlığın inkişaf etdirilməsi məqsədilə Azərbaycan, Türkiyə, Qazaxıstan və Qırğızıstanın turizm assosiasiyaları arasında anlaşma memorandumu imzalanıb.
Sonda qarşıdakı bir il ərzində TDƏŞ çərçivəsində görüləcək işləri nəzərdə tutan yekun protokol imzalanıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ukrayna ərazilərini buna görə itirib - Ağ Evdən AÇIQLAMA
25 Aprel
Hiss edirəm ki, qızıl medalla qayıdacam - Murad Fətiyev
25 Aprel
Keçmiş məcburi köçkünlərin müraciətləri dinlənilib
25 Aprel
Türkiyənin “ASELSAN” şirkəti ixrac həcmini 1 milyard dollara çatdırmağı planlaşdırır ...
25 Aprel
Qırğızıstan Prezidenti Sadır Japarovun Azərbaycana dövlət səfəri başa çatıb
25 Aprel
Milli Məclisin sədri Türk Dövlətləri Parlamentlərinin Xarici Əlaqələr Komitələri sədrlərinin iclasın...
25 Aprel
Türkiyənin Kahramanmaraş Sütcü İmam Universiteti ilə Azərbaycan Tibb Universiteti arasında birgə elm...
25 Aprel
Fransızların çoxu Makronun Aİ qərarlarına real təsir göstərdiyinə inanmır
25 Aprel
Dəyişən iqlim şəraitində əməyin mühafizəsi ilə bağlı maarifləndirmə tədbirləri təşkil olunub ...
25 Aprel
Rusiya XIN: Moskva Azərbaycanla Ermənistan arasında dövlət sərhədinin delimitasiyasına gələcəkdə də ...
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!