\"Bakı\" uzun fasilədən sonra qələbə qazandı \"Qarabağ\" isə növbəti dəfə xal itirdi
Futbol üzrə Unibank Premyer Liqasında 5-ci turun oyunlarına yekun vurulmuşdur. Beş oyunda meydança sahibləri qələbə qazanmış, bir oyunda isə qapılara qol vurulmamışdır. İlk oyun günü üç qarşılaşma keçirilmişdir. Əvvəlcə "Bakı" doğma meydanında paytaxtın digər komandası - "Rəvan"ı qəbul etmişdir. Bu qarşılaşmada meydan sahiblərinin qol və qələbə həsrətinə son qoyub-qoymayacağı maraqla gözlənilirdi. Hər halda, ilk dörd turda hətta dörd dəfə penalti qazanmasına baxmayaraq, "zolaqlılar" görüşlərdən qalib ayrıla bilməmişdilər. Yeganə qələbə isə "İnter"lə qalmaqallı oyuna görə bu komandaya verilmiş texniki məğlubiyyət nəticəsində gəlmişdi. Amma Aleksandr Starkovun yetirmələri, nəhayət ki, bu sindromlara son qoymağı bacardılar. Bakılıların cari mövsümdə ilk qoluna isə Aleksandr Soliç imza atdı. Fasiləyə kimi Soliç daha bir qol vurmaqla dubl etdi. "Bakı"nın heyətində Denis İvanov da gözəl bir qolla əvvəlki oyunlarda vura bilmədiyi penalti uğursuzluğunu unutdurmuş oldu.
Yeni mövsümdə ilk dəfə parlaq oyun sərgiləməklə xoş təsir bağışlayan "Bakı"nın artıq rahat qələbə qazanacağı düşünülürdü. Fasilədən sonra isə hər şey tamamilə dəyişdi. Hətta ikinci hissədə bir futbolçusunun meydandan qovulmasına baxmayaraq, "Rəvan" çox əzmkar oyun nümayiş etdirməyə başladı. Bəhmən Həsənovun yetirmələri hesab arasındakı fərqi minimuma endirməyi də bacardılar. Lakin bütün bunlara baxmayaraq, oyunda bundan başqa qol olmadı və "Bakı" çempionatda ilk qələbəsini rəsmiləşdirdi - 3:2. Turun mərkəzi qarşılaşmasında son çempion "Neftçi" səfərdə "Xəzər-Lənkəran"ın qonağı olmuşdur. Cənub təmsilçisi mövsümə çox uğurlu başlasa da, "Rəvan"la qarşılaşmada ilk dəfə xal itkisi ilə üzləşdi. Odur ki, meydan sahibləri doğma meydanda əzəli rəqibi üzərində qələbə qazanmaqla vahid liderliyini möhkəmləndirməyi düşünürdü. "Neftçi" isə son turda daha ağır nəticə ilə qarşılaşmışdı - AZAL-a məğlub olmuşdu. Bu səbəbdən də "ağ-qaralar" sözügedən oyuna daha ciddi təzyiq altında çıxmışdılar.
Görüşün ilk hissəsində meydan sahibləri Ruslan Abışovun avtoqolu sayəsində hesabda irəli çıxdılar. Fasilədən sonra "Neftçi" daha çox hücum edən tərəf olsa da, məğlubiyyətdən yaxa qurtara bilmədi. Beləliklə, "ağ-yaşıllar" zirvədəki mövqeyini əsas rəqiblərindən biri üzərində qələbə ilə möhkəmləndirdilər. Günün başqa bir oyunu "İnter"lə autsayder "Simurq" arasında keçirilmişdir. Gözlənildiyi kimi, "bankirlər" bu görüşü xal itkisi olmadan başa vurdular. Amma meydan sahibləri heç də iddialı olmayan rəqibi ilə qarşılaşmada kifayət qədər çətin qələbə qazandılar - 1:0. Turun ikinci günündə daha üç qarşılaşma keçirildi. Ən maraqlı görüş Gəncədə oldu. Burada çempionatın sürpriz komandasına çevrilməkdə olan "Kəpəz" AZAL-ı qəbul edirdi. Son turda "Bakı"ya səfərdə 3 cavabsız qolla qalib gəlmiş Mehman Allahverdiyevin komandasının bu dəfə də sürpriz etmək şansı heç də az qiymətləndirilmirdi. Görüş elə meydan sahiblərinin üstünlüyü şəraitində keçdi. Artıq birinci dəqiqədə hesabı açan gəncəlilər yarım saat sonra daha bir qola sevindilər. Fasilədən sonra da "Kəpəz" məzmunlu oyun nümayiş etdirməklə yanaşı, daha bir qol vuraraq AZAL üzərində parlaq qələbə qazandı - 3:1. Daim etibarlı müdafiəsi ilə öyünən AZAL isə ən çox qol buraxan 3-4 klubdan birinə çevrildi.
Turun daha bir sürprizinə isə "Sumqayıt Şəhər" imza atdı. Oyundan əvvəl, güman ki, "Qarabağ"ın bu komanda ilə qarşılaşmada xal itirəcəyini heç kim düşünməzdi. Çünki Sumqayıt təmsilçisi əvvəlki oyunlarda xal üzünə həsrət qalmışdı. "Qarabağ" isə "Qəbələ" məğlubiyyətini unutdurmaq üçün bu matçda mütləq qələbə qazanmalı idi. Hər halda, gənc və təcrübəsiz futbolçulardan ibarət "Sumqayıt Şəhər"in güclü rəqibə hansısa problem yaradacağı inandırıcı görünmürdü.
Amma inadla müdafiə olunan sumqayıtlılar, nəhayət ki, ilk sürprizə imza atmağı bacardılar. Xüsusilə qapıçı Andrey Popoviçin inamlı oyunu sayəsində ağdamlılar inanılmaz qol epizodlarından yararlana bilmədilər. "Sumqayıt Şəhər" müdafiə olunmaqla kifayətlənməyib, hücuma da atılırdı. Belə epizodlardan birində qonaqları qapı çatı qoldan xilas etdi.
Beləliklə, "Qəbələ" məğlubiyyətinin ardından "Qarabağ" daha bir zərbə aldı. "Sumqayıt Şəhər" isə Premyer Liqada qazandığı ilk xalın sevincini yaşadı.
Cari mövsümə pis başlamayan "Qəbələ" evdə "Turan"ı qəbul edirdi. Maliyyə problemlərinə görə Tovuz klubunun bu oyuna çıxmayacağı gözlənilirdi. Amma Əsgər Abdullayevin komandası Qəbələyə gəldi və hətta hesabı açan tərəf oldu. Qəbələlilər Viktor Mendinin qolu sayəsində fasiləyə qədər hesabı bərabərləşdirdilər. Fasilədən sonra isə Dodo dəqiq zərbə ilə qələbə topunu vurdu - 2:1. Bununla da "Qəbələ", çətinliklə də olsa, qalib gələrək ikinci pillədəki mövqeyini qoruyub saxladı.
Beləliklə, 5 turdan sonra turnir cədvəlinə 13 xalla "Xəzər-Lənkəran" başçılıq edir. "Qəbələ" 11 xalla ikinci, "Kəpəz" isə 9 xalla üçüncüdür.
Elçin CƏFƏROV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Xankəndidə silah-sursat aşkarlanıb
29 Mart
Azərbaycan neftinin qiyməti 89 dolları ötüb
29 Mart
Füzuli sakini: Gözəl günlərimiz bundan sonra daha çox olacaq
29 Mart
Keçmiş məcburi köçkün: Düşünürəm ki, artıq bütün şəhidlərimizin ruhu şaddır
29 Mart
Füzuli şəhərinə növbəti köç karvanı yola salınıb
29 Mart
ABŞ Baltimordakı körpünün bərpasına 60 milyon dollar ayırıb
29 Mart
Pentaqon: Rusiya ABŞ-ın terror aktı ilə bağlı xəbərdarlığına məhəl qoymayıb
29 Mart
Paşinyan separatçıları hədələdi
29 Mart
Vətən qarşısındakı övladlıq borcunu şərəflə yerinə yetirdi
29 Mart
İçdiyi hərbi anda sadiq qaldı
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!