09 Avqust 2015 12:08
1346
Hüquq məsləhəti
A- A+

Bakı Hüquq Mərkəzi oxucuların suallarına cavab verir

Ata yurdumuz vərəsəliklə mənə və iki qardaşımın adına keçmişdir. Qardaşlarımdan birinin borcu var. Borc verən şəxs ata yurdumuzu satıb borcun ödənilməsini tələb edir. Onun tələbi qanunidir?

 

Səbinə Lətifova,

Lökbatan qəsəbəsi

 

- Qeyd edək ki, kreditor (yəni, qardaşınızın borclu olduğu şəxs) ata yurdunuza deyil, yalnız borclu qardaşınızın payına tutma yönəldilməsini tələb etmək hüququna malikdir. Belə ki, əgər həmin ev qardaşınızın yeganə yaşayış yeri deyildirsə (çünki bu halda, Azərbaycan Respublikası Nazirlər Kabinetinin 2002-ci il 5 iyun tarixli 89 nömrəli qərarına əsasən həmin evdəki paya tutma yönəldilə bilməz) və qardaşınızın başqa əmlakı borcunun ödənilməsi üçün kifayət etmirsə, onda kreditor borclu qardaşınıza məxsus payın naturada ayrılmasını tələb edə bilər. Əgər payın naturada ayrılması texniki baxımdan mümkün deyilsə və ya qalan paylı mülkiyyətçilər (yəni, siz və ya digər qardaşınız) buna etiraz edərsə, onda kreditor borclu qardaşınızdan özünə məxsus payı sizə və digər qardaşınıza satmasını və satışdan əldə edilmiş pul vəsaiti hesabına borcunun ödənilməsini tələb edə bilər. Əgər siz və digər qardaşınız borclu qardaşınızın payını almaq istəməsəniz, onda kreditor borclu qardaşınızın payının açıq hərracda satılmasını məhkəmə qaydasında tələb etmək hüququna malikdir (Azərbaycan Respublikası Mülki Məcəlləsi, maddə 224).

 

Cavablandırdı:

 Dünyamin NOVRUZOV,

Bakı Hüquq Mərkəzinin hüquq məsləhətçisi

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video