Bakı Dövlət Universitetinin jurnalistika fakültəsinin bir qrup müəllimi ilə AzərTAc-da görüş olmuşdur
Noyabrın 5-də Azərbaycan Dövlət Teleqraf Agentliyində bu il oktyabrın 10-11-də Bakı Beynəlxalq Humanitar Forumu çərçivəsində AzərTAc-ın həmsədrliyi ilə keçirilmiş "Sosial jurnalistika və yüksək texnologiyalar" mövzusunda bölmə iclasında iştirak etmiş Bakı Dövlət Universitetinin jurnalistika fakültəsinin bir qrup müəllimi ilə görüş olmuşdur.
AzərTAc-ın baş direktoru Aslan Aslanov bölmə iclasında fəal iştiraklarına və məzmunlu çıxışlarına görə müəllimlərə təşəkkür etmiş, ümummilli lider Heydər Əliyevin mətbuatın inkişafına böyük önəm verdiyini, bu siyasətin Prezident İlham Əliyev tərəfindən uğurla davam etdirildiyini bildirmişdir.
AzərTAc-ın fəaliyyəti, inkişaf mərhələləri, beynəlxalq əlaqələri barədə məlumat verən baş direktor agentliyin üzvü olduğu kontinental və regional alyanslarda fəal işindən söhbət açmışdır.
Bakı Beynəlxalq Humanitar Forumunun əhəmiyyətindən bəhs edən A.Aslanov jurnalistikanın yeni sahəsi olan sosial media ilə bağlı fikirlərini bölüşmüş, AzərTAc ilə BDU-nun jurnalistika fakültəsi arasında əməkdaşlığın genişləndirilməsinin əhəmiyyətini vurğulamışdır.
Bakı Dövlət Universitetinin jurnalistika fakültəsinin müəllimi, filologiya üzrə fəlsəfə doktoru Zaur Babayev Bakı Beynəlxalq Humanitar Forumunun ölkəmizin ictimai-siyasi həyatında mühüm hadisə olduğunu xatırlatmış, sosial jurnalistikaya dair bölmə iclasında çox faydalı diskussiyaların aparıldığını bildirmişdir.
Jurnalistika fakültəsinin müəllimləri Təranə Mahmudova, Vüqar Əliyev, Pərvanə İbrahimova və başqaları humanitar forumun, o cümlədən "Sosial jurnalistika və yüksək texnologiyalar" mövzusunda bölmə iclasının yüksək səviyyədə təşkil olunduğunu qeyd etmiş, AzərTAc ilə BDU-nun jurnalistika fakültəsi arasında əməkdaşlığın genişləndirilməsi məsələləri ilə bağlı təklifləri yüksək qiymətləndirmişlər.
Görüşdə Bakı Beynəlxalq Humanitar Forumunun işində fəal iştirak etdiklərinə görə BDU-nun jurnalistika fakültəsinin müəllimlərinin bir qrupuna AzərTAc-ın fəxri fərmanları təqdim olunmuşdur.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Husilər tərəfindən iki ticarət gəmisi və bir Amerika esminesi hücuma məruz qalıb
25 Aprel
Bakıda Rusiya Kinosu Günlərinin təntənəli açılış mərasimi olub
24 Aprel
Türkiyə XİN 1915-ci il hadisələri ilə bağlı bəyanat yayıb
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
24 Aprel
Azərbaycan Prezidentinin xüsusi tapşırıqlar üzrə nümayəndəsi BBC radiosuna müsahibə verib...
24 Aprel
Üzgüçülük üzrə açıq Azərbaycan çempionatı start götürüb
24 Aprel
XİN: Azərbaycan BMT-nin insan hüquqları sahəsində müvafiq müqavilə qurumları ilə əməkdaşlığa böyük ö...
24 Aprel
Qırğız Mədəniyyəti Günləri çərçivəsində Heydər Əliyev Mərkəzində sərgi açılıb
24 Aprel
Azərbaycan Kuboku: “Qarabağ” “Neftçi”ni cavab oyununda da məğlub edərək finala yüksəlib...
24 Aprel
Bakıda Qırğız Mədəniyyəti Günlərinin açılış mərasimi olub
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!