23 Avqust 2021 22:03
690
İQTİSADİYYAT
A- A+

“AzerGold” Qapalı Səhmdar Cəmiyyəti məlumat yayıb

 

Son günlər sosial şəbəkələrdə Daşkəsən rayonunun Xoşbulaq kəndi və rayonunun digər ərazilərinin məişət tullantıları ilə çirkləndirilməsi, ölkəmizin dilbər guşələrindən birinin “zibilxanaya” çevirilməsi ilə bağlı məlumatlar yayılır. Təəssüflər olsun ki, bu məsələdə Daşkəsən rayonunda fəaliyyət göstərən və rayonun sosial-iqtisadi inkişafında mühüm xidmətləri olan “AzerGold” Qapalı Səhmdar Cəmiyyətinin (QSC) də əsassız olaraq adı hallanır.

AZƏRTAC xəbər verir ki, bu barədə “AzerGold” QSC-nin mətbuat katibi Ariz Tarverdiyevin açıqladığı məlumatda bildirib.

Onun sözlərinə görə, Daşkəsən rayonunda əvvəllər tullantı poliqonu kimi istifadə edilən ərazi Daşkəsən Dəmir Filizi Sahəsinin inzibati sərhədləri daxilində yerləşir. “AzerGold” QSC-nin törəmə müəssisəsi olan “Daşkəsən Dəmir Filiz” MMC tərəfindən “Daşkəsən Filizsaflaşdırma” ASC-dən sahələr təhvil alındığı zaman istehsalat müəssisəsinin ərazisinin qanunsuz olaraq tullantı poliqonuna çevrilməsi faktı müəyyən edilib. Sözügedən sahə təmizlənərək abadlaşdırılıb və təyinatı üzrə istifadəyə hazır vəziyyətə gətirilib. Həmin ərazinin boş süxurların saxlanc anbarı qismində istifadə olunması nəzərdə tutulub.

“Daşkəsən Dəmir Filiz” MMC Prezident İlham Əliyevin ötən ilin avqust ayında imzaladığı müvafiq Sərəncama əsasən, Daşkəsən dəmir filizi yataqlarının istismara verilməsi ilə bağlı kompleks işlərin icrasını həyata keçirir. Hazırda Daşkəsəndə regionun ən nəhəng dəmir filizi yataqları kompleksinin gələcəkdə işlənməsində dair ilkin qiymətləndirmə sənədinin hazırlanması çərçivəsində fəal iş aparılır.

Şirkət tərəfindən bu və digər ərazilərin tullantılardan təmizlənməsi üçün son 6 ayda 9 iməcilik aksiyası təşkil edilib, 3 hektar əraziyə yeni asfalt örtüyü döşənib, eyni zamanda əlavə 2 hektar ərazidə təmizlik, bərpa-quruculuq işləri aparılıb. Bununla yanaşı, ərazidə ətraf mühitin mühafizəsi tədbirləri çərçivəsində 100-ə yaxın ağac, 2000-ə yaxın dekorativ gül və kollar əkilib. Əkilən bitki növlərinə mütəmadi olaraq aqrotexniki qaydada qulluq göstərilir.

Yeri gəlmişkən, 18 sentyabr tarixində Beynəlxalq Sahilyanı Təmizlik Günü çərçivəsində Daşkəsən rayonun Zağalı kəndi yaxınlığında yerləşən su anbarının ətrafında təmizlik aksiyasının keçirilməsi nəzərdə tutulub.

"Bir daha sosial şəbəkə istifadəçiləri və ictimaiyyət nümayəndələrinin diqqətinə çatdırırıq ki, həqiqəti əks etdirməyən, rəsmi məlumatlara istinad edilmədən və ya dəqiqləşdirilmədən yayılan məlumatlar şirkətimizin ictimai nüfuzuna, ölkəmizi dünya bazarında təmsil edən dövlət müəssisəsinin imicinə xələl gətirə bilər. Bu baxımdan, sosial şəbəkə istifadəçilərindən əsassız və dəqiqləşdirilməmiş məlumatları yaymamaq, zəruri hallarda rəsmi mənbələrdən verilmiş məlumatlardan istifadə etmək xahiş olunur", - deyə A.Tarverdiyev qeyd edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video