02 Mart 2012 02:03
458
Təhsil
A- A+

Azərbaycanlı alim Rusiya Kənd Təsərrüfatı Elmləri Akademiyasına müxbir üzv seçilmişdir

 

Azərbaycan Dövlət Aqrar Universitetinə şad xəbər gəlmişdir. Universitetin heyvandarlıq və balıq məhsulları istehsalatı texnologiyası kafedrasının müdiri, 165 elmi məqalənin, 4 dərsliyin və 5 dərs vəsaitinin müəllifi, Azərbaycan Damazlıq Şurasının sədri, kənd təsərrüfatı elmləri doktoru, professor Qənbər Abdullayev Rusiya Kənd Təsərrüfatı Elmləri Akademiyasına müxbir üzv seçilmişdir.

Bu münasibətlə universitetin elmi şurasında keçirilən yığıncaqda Rusiya Kənd Təsərrüfatı Akademiyasının prezidenti Q.Romanenkonun Azərbaycan Dövlət Aqrar Universitetinin ünvanına göndərdiyi təbrik məktubunun mətni oxunduqdan sonra alimin elmi nailiyyətlərindən söhbət açılmışdır.

Yığıncaqda çıxış edən Qənbər Abdullayev qazandığı bütün nailiyyətləri ümummilli liderimiz Heydər Əliyevin elmə, onun inkişafına göstərdiyi diqqət və qayğının nəticəsi kimi dəyərləndirmiş və bildirmişdir ki, Azərbaycanda elmin inkişafı üçün ulu öndərin təşəbbüsü ilə 1980-ci ildə Rusiyaya göndərilən gənclər arasında o da olmuş və üç il Ümumittifaq Heyvandarlıq İnstitutunda aspirant kimi elmin sirlərinə yiyələnmişdir.

Bundan sonra onun üçün elmdə yeni yol açılmış və bugünkü nailiyyətlərə gəlib çatmışdır. Qənbər Abdullayev qalan ömrünü də Azərbaycanda kənd təsərrüfatı elminin inkişafına sərf edəcəyini bildirmişdir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video