19:15 24 Oktyabr 2021
ONLINE XƏBƏR LENTİ
00:09 24.10.2021 256 il yaşayan insan
00:07 24.10.2021 Aman qocalıq
00:06 24.10.2021

Ən tez bu orqan qocalır


00:04 24.10.2021 Cavanlığın sirri
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycanla Səudiyyə Ərəbistanı Krallığının parlamentlərarası əlaqələri inkişaf edir
ANA SƏHİFƏ / PARLAMENT
01:05 13.05.2012
 

Xəbər verildiyi kimi, Milli Məclisin Sədri Oqtay Əsədovun başçılığı ilə parlament nümayəndə heyəti mayın 4-dən 8-dək Səudiyyə Ərəbistanı Krallığında rəsmi səfərdə olmuşdur. Nümayəndə heyətinin tərkibinə Milli Məclisin İnsan hüquqları komitəsinin sədri Rəbiyyət Aslanova, deputatlardan Fəttah Heydərov, Sahibə Qafarova, İmamverdi İsmayılov, Çingiz Əsədullayev, Aydın Mirzəzadə, parlament Aparatının rəhbəri Səfa Mirzəyev və digər rəsmi şəxslər daxil idilər.

Milli Məclisin Sədri Oqtay Əsədovun ilk görüşü Səudiyyə Ərəbistanı Krallığının Şura Məclisinin Sədri Abdullah bin Məhəmməd bin İbrahim Al Şeyx ilə oldu. Rəsmi səfərə dəvətinə və bu səfərin yüksək səviyyədə keçməsi üçün nümayəndə heyətinə yaratdığı hərtərəfli şəraitə görə təşəkkürünü bildirən Oqtay Əsədov bu cür səfərlərin dost və qardaş xalqlarımız arasında mövcud olan münasibətləri daha da dərinləşdirəcəyinə əminliyini ifadə etdi. Bildirdi ki, Azərbaycan rəhbərliyi Səudiyyə Ərəbistanı Krallığı ilə qarşılıqlı əlaqələrin inkişafına hər zaman böyük önəm verir. 2005-ci ilin mart ayında Prezident İlham Əliyevin bu ölkəyə etdiyi rəsmi səfər və yüksək səviyyəli rəsmi səfər zamanı imzalanmış sənədlər ikitərəfli əlaqələrimizin inkişafında mühüm rol oynamışdır. Parlamentlərarası əlaqələrimizin inkişafından danışan Oqtay Əsədov deputatlarımızın bir sıra beynəlxalq parlament təşkilatlarında, xüsusilə də İslam Əməkdaşlığı Təşkilatının Parlament İttifaqı çərçivəsində yüksək səviyyədə əməkdaşlıq etdiklərini söylədi. Qeyd olundu ki, qardaş Səudiyyə Ərəbistanı Krallığının Şura Məclisinin üzvləri Ermənistanın ölkəmizə təcavüzünü hər zaman pisləyir, iştirak etdiyimiz bütün beynəlxalq və regional təşkilatlarda Azərbaycanın mövqeyini dəstəkləyir. Sədr bildirdi ki, bu ilin yanvar ayında İndoneziyada keçirilən İslam Əməkdaşlığı Təşkilatı Parlament İttifaqı Xocalı soyqırımına dair qətnamə qəbul etdi və üzv dövlətlərin parlamentlərini Xocalı hadisələrini soyqırımı kimi tanımağa çağırdı. Artıq Pakistan Senatı da Xocalı hadisələrini soyqırımı kimi tanıyaraq qəbul edib. Analoji addımın qardaş Səudiyyə Ərəbistanı Krallığının Şura Məclisi tərəfindən də atılmasını arzu edərdik. Səudiyyə Ərəbistanı Krallığı Şura Məclisinin Sədri Abdullah Al Şeyx Azərbaycan parlament nümayəndə heyətini öz ölkəsində görməkdən məmnun olduğunu söylədi. Belə bir inam ifadə etdi ki, parlamentlərimiz arasında inkişaf etməkdə olan münasibətlər ölkələrarası əlaqələrin inkişafına töhfələr verəcək və bu əlaqələr hərtərəfli xarakter daşıyacaq. Şura Məclisinin Sədri 2010-cu ilin yayında Azərbaycana səfərini məmnunluqla xatırladı və qeyd etdi ki, bu cür səfərlər ölkələrimiz və xalqlarımız arasında münasibətlərin, eyni zamanda parlamentlərarası əlaqələrin inkişafında əhəmiyyətli rol oynaya bilər. Azərbaycanın üzləşdiyi ən ağrılı problem - Ermənistan-Azərbaycan, Dağlıq Qarabağ münaqişəsi ilə bağlı fikirlərini söyləyən Şura Məclisinin Sədri qeyd etdi ki, onun ölkəsi bu məsələdə Azərbaycanın ərazi bütövlüyünü daim dəstəkləyib və bundan sonra da onun haqq işini bütün səviyyələrdə müdafiə edəcəkdir.

O, Azərbaycanın ümummilli lideri Heydər Əliyevi dünya miqyaslı bir şəxsiyyət kimi xarakterizə etdi. Bildirdi ki, Heydər Əliyev Azərbaycan xalqını bütün bəlalardan və çətinliklərdən xilas edib onu inkişaf və tərəqqi yoluna çıxartdı.  Bunu bütün dünya bilir.  Şura Məclisinin Sədri qeyd etdi ki, Heydər Əliyev yolunu uğurla davam etdirən Prezident İlham Əliyev bu gün dünyaya yeni, müasir və daim inkişafda olan Azərbaycan təqdim edir. Bu, beynəlxalq aləm tərəfindən yüksək qiymətləndirilir.

Görüşdən sonra Azərbaycan parlament nümayəndə heyəti Səudiyyə Ərəbistanı Krallığının Şura Məclisinin inzibati binası ilə tanış oldu, Şura Məclisinin iclasında iştirak etdi. Cənab Oqtay Əsədov Krallığın dövlət televiziyasına müsahibə verdi. 

Milli Məclisin Sədri Oqtay Əsədovun növbəti görüşü Vəliəhd Əmir Nayif bin Əbdüləziz Al Səud ilə oldu. Görüşdə bir sıra qarşılıqlı maraq doğuran məsələlər ətrafında fikir mübadiləsi aparıldı. Qeyd olundu ki, bu cür səfərlər və görüşlər Azərbaycan-Səudiyyə Ərəbistanı münasibətlərinin inkişafında önəmli rol oynayır. Səudiyyə Ərəbistanı bütün dünya müsəlmanlarının görüşdüyü məkandır. Azərbaycan xalqının qəlbində bu torpağın xüsusi yeri vardır. Səudiyyə Ərəbistanı Krallığı ilə münasibətləri davamlı olaraq inkişaf etdirmək xarici siyasətimizin prioritetlərindəndir. Hökumətlərimiz iqtisadiyyat, ticarət, investisiya, texnika, mədəniyyət, idman və gənclik sahələrində əməkdaşlıq edirlər. Bu cür qarşılıqlı görüşlər gələcəkdə əməkdaşlığımızın daha da intensivləşməsində önəmli rol oynaya bilər. İqtisadi göstəricilərimiz arzuedilən səviyyədə olmasa da, bu göstəriciləri yüksək həddə çatdırmaq üçün hər iki ölkə geniş imkanlara malikdir. Son zamanlar Səudiyyə Ərəbistanı və Azərbaycanın investorlarının  qarşılıqlı fikir mübadilələrini həyata keçirməsinin şahidi oluruq. Bunu ölkələrimiz arasında iqtisadi münasibətlər sahəsində inamlı əməkdaşlığın uğuru kimi qiymətləndirmək olar.

Vəliəhd Azərbaycanda həyata keçirilən quruculuq işlərindən məlumatlı olduqlarını bildirdi. Prezident İlham Əliyevin rəhbərliyi ilə Azərbaycanın yüksək inkişaf  mərhələsinə qədəm qoyduğunu layiqincə qiymətləndirdi. Qeyd etdi ki, bu gün Azərbaycan dünya birliyində layiqli yer tutur və nüfuz sahibinə çevrilib. O, Prezident İlham Əliyevə salamlarını çatdırmağı xahiş etdi.

Milli Məclisin Sədri Oqtay Əsədovun Səudiyyə Ərəbistanı Krallığının xarici işlər nazirinin müavini Şahzadə Əbdüləziz bin Abdullah bin Əbdüləzizlə görüşündə də ikitərəfli münasibətlərimiz bir sıra istiqamətlərdən müzakirə olundu. Qeyd olundu ki, Səudiyyə Ərəbistanı bütün Yaxın və Orta Şərqdə böyük siyasi və iqtisadi əhəmiyyətə malik olan bir dövlətdir. Ölkələrimiz arasında çox sıx dostluq əlaqələri var. Bu cür qarşılıqlı səfərlər əlaqələrin möhkəmlənməsində əhəmiyyətli rol oynayır. İkitərəfli münasibətlərimizin inkişaf dövrü Azərbaycan xalqının ümummilli lideri Heydər Əliyevin 1994-cü ildə Səudiyyə Ərəbistanı Krallığına rəsmi səfərindən sonra başlamışdır. Səudiyyə Ərəbistanı Krallığı və Azərbaycan hər  zaman eyni mövqedən çıxış edərək beynəlxalq sülhə və ədalətə dəstək verir. Dövlətlərimiz BMT və İslam Əməkdaşlığı Təşkilatı kimi beynəlxalq qurumlarda sıx əməkdaşlıq edir və daim bir-birini dəstəkləyir. İƏT-in dövlət və hökumət başçıları 2014-cü ildə 13-cü konfransına toplaşacaqdır və Azərbaycan bu konfransa ev sahibliyi etmək niyyətindədir. Bu məqsədlə gələcəkdə keçirilən seçkilərdə dost və qardaş Səudiyyə Ərəbistanının Azərbaycanın namizədliyini dəstəkləməsi arzu edildi. Azərbaycan parlament nümayəndə heyətinin Səudiyyə Ərəbistanında keçirdiyi hər bir görüş həqiqətən də yaddaqalan oldu. Bu görüşlərdə aparılan söhbətlərin mövzusu, müzakirə olunan məsələlərin əhəmiyyəti belə bir qənaətə gəlməyə əsas verir ki, hər iki ölkə bir-birinə dost və qardaş münasibətlərdədir. Və hər iki tərəf bu münasibətləri bütün istiqamətlərdə inkişaf etdirmək əzmindədir.

Bütün görüşlərdə Azərbaycanın müstəqillik illərində xüsusilə son dövrlərdə əldə etdiyi uğurlara Səudiyyə Ərəbistanı Krallığının böyük hörməti və sevinci hiss olunurdu. Bu isə, təbii ki, Azərbaycan parlament nümayəndə heyətinin hər bir üzvündə fərəh və qürur hisləri yaradırdı. Azərbaycanın 2012- 2013-cü illər üçün BMT Təhlükəsizlik Şurasına qeyri-daimi üzv seçilməsi, 2009-cu ildə Bakı şəhərinin "İslam mədəniyyətinin paytaxtı" elan edilməsi və Azərbaycanın bu kimi digər uğurları dönə-dönə vurğulanırdı və ölkəmizin daha parlaq gələcəyinə inam ifadə olunurdu. Bu və ya digər məsələlər hər iki tərəfdən olan parlament dostluq qruplarının üzvləri arasında keçirilən görüşdə də müzakirələrin ön planında dayanırdı. Görüşdən öz məmnunluqlarını ifadə edən parlamentarilər bu cür görüşlərin daha intensiv xarakter almasını, ikitərəfli münasibətlərə yeni-yeni töhfələr verilməsini vacib saydılar.

Azərbaycan parlament nümayəndə heyətinin üzvləri Səudiyyə Ərəbistanı Krallığına səfər çərçivəsində bu ölkədə müsəlman aləmi üçün çox müqəddəs olan məkanları ziyarət etdilər, tarixi yerlərə baxdılar. Məkkeyi-Mükərrəməyə gediş, ora ilə tanışlıq və ən başlıcası, ümrə ziyarətini yerinə yetirmək nümayəndə heyətinin hər bir üzvü üçün  tarixi bir hadisəyə çevrildi. Mədinə şəhərində olmaq və oradakı Peyğəmbər məscidini ziyarət etmək, təbii ki, hər bir müsəlmanın müqəddəs arzularından biridir. Bu arzunun həyatda reallığa çevrilməsi nümayəndə heyətinin hər bir üzvünü məmnun etdi. Səudiyyə Ərəbistanı Krallığına səfəri zamanı Azərbaycan parlament nümayəndə heyəti Kral Səud adına Universitetdə, Kral Əbdüləziz adına Tarix Mərkəzində, eləcə də nəinki müsəlman dünyasında, ümumilikdə beynəlxalq aləmdə həm siyasi, həm də iqtisadi nüfuzuna görə seçilən ölkələrdən olan Səudiyyə Ərəbistanı Krallığının keçmişini və bugününü özündə əks etdirən bir çox müqəddəs yerlərdə oldu. İnanırıq ki, bu səfər və səfər zamanı keçirilən görüşlər, həyata keçirilən ziyarətlər, ümumilikdə bu ölkə ilə tanışlıq uzun illər yaddaşlardan silinməyəçək, iki ölkə arasında olan münasibətlərin daha da inkişafında mühüm rol oynayacaq.

 

Akif TƏVƏKKÜLOĞLU,

Milli Məclisin mətbuat katibi



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM