24 May 2013 03:05
596
PARLAMENT
A- A+

Azərbaycanla Koreya Respublikası dost ölkələrdir

 

Mayın 23-də Milli Məclisin Sədri Oqtay Əsədov  Koreya Respublikası Milli Assambleyasının sədr müavini Park Byonq-Soqun başçılıq etdiyi nümayəndə heyətini qəbul edib. Görüşdə Azərbaycan-Koreya əlaqələri müzakirə olunub və hər iki ölkə arasında yüksək dostluq münasibətlərinin olduğu vurğulanıb.

Milli Məclisin Sədri Oqtay Əsədov qonaqları Azərbaycanda salamlamaqdan məmnunluğunu ifadə edərək bildirib ki, Azərbaycanla Koreya Respublikası dost ölkələrdir: "Ölkələrimiz arasındakı münasibətlər yüksək səviyyədədir. Vaxtilə hər iki ölkə başçılarının qarşılıqlı səfərləri əlaqələrin inkişafında böyük rol oynayıb. İqtisadi əlaqələrimiz daha çox inkişaf edib. Azərbaycanın Koreya Respublikası ilə ticarət dövriyyəsinin həcmi 2011-ci ildə 650 milyon dollar olmuşdur. Hazırda Koreyanın nəhəng şirkətlərindən olan "Samsung", "Hyunday" və LG şirkətlərinin Azərbaycanda fəaliyyəti böyük uğurla davam etdirilir". Oqtay Əsədovun sözlərinə görə, hər iki ölkə arasında 46 sənəd imzalanıb, 15-i isə imzalanmaq ərəfəsindədir: "Sevindirici haldır ki, Koreya Milli Assambleyasında Azərbaycan dostluq assosiasiyası yaradılıb. Parlamentlərarası dostluq münasibətlərinin yüksək olması ölkələrimiz arasındakı həm siyasi, həm iqtisadi, həm də digər sahələrdə əlaqələrin inkişafına təkan verir. Bu gün Cənubi Qafqazın mövcud iqtisadi inkişafının 80 faizi Azərbaycanın payına düşür. Koreya da inkişaf etmiş ölkədir. Biz həmişə dost ölkələrin daim inkişafda olmasını istəmişik".

Milli Məclisin Sədri Azərbaycanın nailiyyətləri ilə yanaşı, ən böyük problemi olan Ermənistan-Azərbaycan, Dağlıq Qarabağ münaqişəsini də qonaqların diqqətinə çatdırıb. Bildirib ki, bu problemlə bağlı BMT-nin dörd qətnaməsi qəbul edilib. Lakin təəssüf ki, Ermənistan tərəfi bu qətnamələrə hörmətsizliklə yanaşır: "Koreya Respublikasının hər zaman Azərbaycanın ərazi bütövlüyünü dəstəkləməsi bizi sevindirir. Biz inanırıq ki, bundan sonra da dostluq əlaqələrimiz yüksələn xətlə davam edəcək. Səfərinizin uğurlu keçməsi və Azərbaycanı daha da yaxından tanımanız üçün əlimizdən gələni edəcəyik".

Koreya Respublikası Milli Assambleyasının sədr müavini Park Byonq-Soq Azərbaycanın yüksək inkişafa nail olduğunu bildirib. Vurğulayıb ki, Koreya Azərbaycanla ticarət dövriyyəsinin qaldırılmasını çox vacib amil kimi qiymətləndirir: "İnkişaf sahəsində Koreyanın böyük təcrübəsi var. Azərbaycan da bu təcrübədən yararlanmaqla öz inkişafını daha səmərəli şəkildə davam etdirə bilər. Düşünürəm ki, Koreya təcrübəsi Azərbaycan üçün faydalı olacaq. Bizim malik olduğumuz imkanlardan yararlanmağınızı çox istərdik".

Park Byonq-Soq Koreya Respublikasının Azərbaycanın ərazi bütövlüyünü dəstəklədiyini və Ermənistan-Azərbaycan, Dağlıq Qarabağ probleminin sülh yolu ilə həll olunmasının tərəfdarı olduğunu vurğulayıb.

 

Elgün MƏNSİMOV,

Ağaəli MƏMMƏDOV (foto),

"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video