07 Aprel 2012 02:04
376
Təhsil
A- A+

Azərbaycanın xaricdə təhsil alan tələbələri «Mən gənc səfirəm» devizi altında Budapeştdə keçirilən forumun əhəmiyyətini yüksək qiymətləndirirlər

 

Aprelin 6-da Budapeştdə Azərbaycanlı Tələbələr və Məzunların Beynəlxalq Forumunun (ASAİF) Budapeşt konfransı öz işinə başlamışdır.
Azərbaycan Respublikasının Gənclər və İdman Nazirliyindən AzərTAc-a bildirmişlər ki, "Mən gənc səfirəm" devizi altında keçirilən konfransda dünyanın 27 ölkəsindən 200-dən çox gənc iştirak edir.
Konfransda iştirak edən azərbaycanlı tələbələr yeni çağırışların və ölkəmiz üçün əhəmiyyətli məsələlərin müzakirə edilməsi baxımından tədbirin əhəmiyyətini yüksək qiymətləndirmişlər.
Praqa Metrapolitan Universitetinin tələbəsi Cəmilə Bayramlı bu mötəbər tədbirə ilk dəfə qatıldığını vurğulayaraq demişdir ki, azərbaycanlı gənclərin bir araya gəlməsi və ölkə üçün əhəmiyyət daşıyan ideyaların müzakirəsi hər zaman diqqətimi cəlb etmişdir. Praqa Metrapolitan Universitetinin beynəlxalq münasibətlər və Avropa təhsili fakültəsinin tələbəsi kimi, əminəm ki, "Mən gənc səfirəm" devizi altında keçirilən konfrans mənə səfirlərlə, rəsmilərlə görüşlərdən sonra yeni biliklər qazandırmaqla bərabər, eyni zamanda, əlaqələrimin inkişafına da kömək edəcəkdir.
Bakıda keçirilən birinci konfransda iştirak etdiyini deyən London Biznes Məktəbinin tələbəsi Kənan Salayev artıq ikinci dəfədir ki tədbirə qatılır. Konfransın əhəmiyyətini yüksək qiymətləndirən K.Salayev demişdir: "Mən gənc səfirəm" devizi altında keçirilən tədbirdən ən böyük gözləntim gələcək nəsillərə gözəl ölkəmizin təbliği və peşəkar diplomat kimi yetişməyim üçün yeni bilgiləri, ideyaları mənimsəyib beynəlxalq arenada uğurla tətbiq etməkdir. Bununla yanaşı, lobbiçilik fəaliyyətində vahid platforma ideyası ilə çıxış edəcəyəm. Çünki zənnimcə, biz bu şəkildə daha mütərəqqi addımlarla irəliləyə bilərik".
Paris Biznes Məktəbinin tələbəsi Toğrul Rəhimov da konfransa ilk dəfə qatılan gənclərimizdəndir. Konfransla bağlı fikirlərini bölüşən T.Rəhimov bildirmişdir ki, Azərbaycan Fransada mədəniyyət sahəsində çox gözəl tanınır. Əfsuslar olsun ki, Fransada yaşayan soydaşlarımız arasında birlik zəifdir. Bu da lobbiçiliyin fəal şəkildə aparılmasına maneələr yaradır. Düşünürəm ki, gənc tələbə olaraq lobbiçilik və diplomatiya sahələrində bu konfransda əldə edəcəyim təcrübə Azərbaycanın daha yaxşı təbliği istiqamətində mənə çox faydalı olacaqdır.
Çinin Tsinqxua Universitetinin tələbəsi Vüsal Qurbanov Azərbaycanın son illərdə təhsil aldığı ölkədə daha çox tanınmağa başladığını bildirmişdir. Hazırda Çində 60-dək tələbə təhsil alır. Onlardan 35-i Pekində oxuyan gənclərdir. Azərbaycanın təbliğində tələbələrin xüsusi rolu vardır. Hər il bir ay ərzində bütün universitetlərdə beynəlxalq mədəniyyət günləri keçirilir. Ötən il biz bir ay ərzində beş universitetdə Azərbaycan günləri keçirdik və milli mətbəximizin nümunələrini, mədəniyyətimizi, musiqimizi geniş şəkildə nümayiş etdirdik. Tələbələr arasında şəbəkələşmə praktikasının formalaşdırılması, diaspor fəaliyyətində diplomatların təcrübəsindən faydalanma baxımından mən bu konfransın əhəmiyyətini yüksək qiymətləndirirəm.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video