07 Iyun 2012 12:06
405
Təhsil
A- A+

Azərbaycanın ali təhsil müəssisələrinə qəbul imtahanlarının keçiriləcəyi günlər məlum olmuşdur

 

İyunun 6-da Tələbə Qəbulu üzrə Dövlət Komissiyasında (TQDK) mətbuat konfransı keçirilmişdir.

AzərTAc xəbər verir ki, konfransda TQDK-nın sədri Məleykə Abbaszadə komissiya tərəfindən bu il iyunun 2-də Bakı şəhərinin orta ümumtəhsil müəssisələrinin Azərbaycan və rus bölmələrində, həmçinin Gəncə, Sumqayıt, Abşeron, Mingəçevir, Yevlax, Lənkəran, Quba, Qusar və Xaçmaz şəhər və rayonlarının rus bölməsində təhsil alan XI sinif, iyunun 3-də IX sinif şagirdləri üçün keçirilmiş buraxılış imtahanlarının nəticələrinin açıqlandığını xatırlatmış və imtahanın  nəticələri barədə fikirlərini söyləmişdir.  

Cari ildə orta ümumtəhsil müəssisələrində buraxılış imtahanlarının keçirilməsinin Tələbə Qəbulu üzrə Dövlət Komissiyasına həvalə olunması ilə əlaqədar Azərbaycan Respublikası Nazirlər Kabinetinin 2012-ci il 4 iyun tarixli sərəncamı ilə TQDK-ya   əlavə maliyyə vəsaitinin ayrıldığını qeyd edən M.Abbaszadə bildirmişdir ki, bunun əsasında qurum keçiriləcək imtahanlara təşkilati, elmi-metodiki hazırlıq işlərinin plan-cədvəlini müəyyənləşdirmişdir.

Müəyyənləşdirilmiş vaxtlarda ayrı-ayrı şəhər və rayonların orta ümumtəhsil müəssisələrinin XI və IX siniflərində buraxılış imtahanlarının keçiriləcəyi barədə məlumat verən TQDK-nın sədri ali təhsil müəssisələrinə qəbul imtahanlarının günlərinin təyin edildiyini də diqqətə çatdırmışdır. Qeyd olunmuşdur ki, ali məktəblərə III ixtisas qrupu üzrə qəbul imtahanı iyulun 14-də, I ixtisas qrupu üzrə 20-də, IV ixtisas qrupu üzrə 27-də, II ixtisas qrupu üzrə avqustun 3-də keçiriləcəkdir. Magistraturaya qəbul imtahanının II mərhələsi iyunun 24-də olacaqdır.

M.Abbaszadə buraxılış imtahanlarında şagirdlərin imtahan qaydalarına düzgün riayət etmələrinin vacibliyini də diqqətə çatdırmışdır.

Sonra jurnalistləri maraqlandıran suallar cavablandırılmışdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video