17:32 25 Oktyabr 2021
ONLINE XƏBƏR LENTİ
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycanda Türk Ağsaqqalları Birliyi yaradılıb
ANA SƏHİFƏ / CƏMİYYƏT
21:55 15.09.2021

 

Azərbaycanda yeni ictimai təşkilat - Türk Ağsaqqalları Birliyi (TAİB) yaradılıb.

AZƏRTAC xəbər verir ki, yeni yaradılmış və artıq Ədliyyə Nazirliyində rəsmi dövlət qeydiyyatından keçmiş təşkilat Türk dünyası ilə bağlı layihələr həyata keçirəcək.

Birliyin təsisçisi və İdarə Heyətinin sədri, “Missiya” Media Qrupunun rəhbəri Ramin Əhmədov bildirib ki, çağdaş dövrümüzdə türk dünyasının birliyi tarixi zərurət kimi meydana çıxıb və türkdilli xalqlar arasında əməkdaşlığın genişlənməsinə, inteqrasiya prosesinin sürətlənməsinə indi daha çox ehtiyac var.

Ramin Əhmədov yeni birliyin yaradılmasının məhz sentyabrın 15-də elan edilməsinin təsadüfi olmadığını deyib. Qeyd edib ki, 103 il əvvəl sentyabrın 15-də Qafqaz İslam Ordusunun köməyi ilə Bakı erməni daşnak və bolşevik qüvvələrinin işğalından azad olunub. Ona görə də Türk Ağsaqqalları Birliyinin yaradılması məhz bu gün elan edildi.

Uzun illərdir türk dünyası ilə bağlı müxtəlif layihələr həyata keçirdiklərini və bu vaxta qədər layihələrin əsasən rəhbərlik etdiyi “Türk Dünyası Ağsaqqalları” qəzeti vasitəsilə reallaşdırıldığını deyən Ramin Əhmədov Vikipediya üzərindən gördükləri işlərdən danışıb. O deyib: “Vikipediyada türk dünyasının tanınmış simaları, türkdilli xalqların zəngin tarixi və mədəni irsinin təbliği istiqamətində də işlər aparırıq. “Türk dünyası Vikipediyada” adlı layihəyə könüllülər də cəlb olunub. Bu vaxta qədər Vikipediyada türk dünyası ilə bağlı 300-ə yaxın məqalə yaradılıb. Fəaliyyətimizi daha da genişləndirmək, türk dünyası ilə bağlı daha miqyaslı layihələr həyata keçirmək üçün yeni bir təşkilat yaratmaq qərarına gəldik. Düşündük ki, bu vaxta qədər topladığımız təcrübədən, türkdilli ölkələrlə əlaqələr qurmaq imkanlarımızdan istifadə edib, fəaliyyətimizi daha geniş müstəviyə çıxarmalıyıq. Bütün bu işlərin daha səmərəli təşkili üçün daha çox ağsaqqalların, geniş dünya görüşünə malik ziyalılarımızın, elm adamlarının, incəsənət xadimləri, şair və yazıçıların potensialından istifadə etməyi daha doğru hesab edirik. Çalışacağıq ki, yeni yaradılan Türk Ağsaqqalları Birliyi türk fikir adamlarının vahid əməkdaşlıq platforması kimi fəaliyyət göstərsin”.

Yeni yaradılan birliyin gələcək planları barədə fikirlərini bölüşən Ramin Əhmədov qeyd edib: “Planlarımız kifayət qədər çoxdur. Ümid edirik ki, qarşıdakı mərhələdə pandemiya ilə bağlı situasiya yumşalacaq və biz də nəzərdə tutduğumuz beynəlxalq səviyyəli tədbirlərimizi həyata keçirə biləcəyik. Məqsədimiz həm də odur ki, yeni yaratdığımız təşkilatın İdarə Heyətində təkcə öz ölkəmizin deyil, türkdilli dövlətlərin tanınmış ziyalıları, alimləri, tədqiqatçılar da təmsil olunsun. Artıq bu yöndə danışıqlarımız da başlayıb. Eyni zamanda, həm Türkiyədə, həm də digər ölkələrdə türk dünyasının birliyi yönündə fəaliyyət göstərən təşkilatlarla da əlaqələr yaradırıq. Bundan başqa, türkdilli ölkələrin kütləvi informasiya vasitələri ilə də yaxından əməkdaşlıq etmək niyyətindəyik. Media ilə də bağlı xüsusi layihələrimiz olacaq”.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM