Azərbaycanda fikir azadlığı, plüralizm var
Eymon Gilmor: "ATƏT Ermənistan-Azərbaycan, Dağlıq Qarabağ münaqişəsinin həlli ilə bağlı bir sıra tədbirlər nəzərdə tutub"
"ATƏT Azərbaycanda vətəndaş cəmiyyətinin inkişafı sahəsində atılan addımları, xüsusən də insan hüquq və azadlıqlarının qorunması ilə bağlı qəbul olunmuş Milli Fəaliyyət Planını yüksək qiymətləndirir".
Bu sözləri ATƏT-in fəaliyyətdə olan sədri, İrlandiyanın xarici işlər və ticarət üzrə naziri Eymon Gilmor iyunun 14-də Milli Məclis Sədrinin müavini, Azərbaycanın ATƏT PA-da daimi nümayəndə heyətinin rəhbəri Bahar Muradova ilə görüşdə söyləyib.
Bahar Muradova bildirib ki, rəsmi Bakı bu təşkilatla həm hökumət, həm parlament, həm də vətəndaş cəmiyyəti səviyyəsində əlaqələrin inkişafına çox böyük diqqət yetirir. Bu əlaqələr isə ikitərəfli və çoxtərəfli münasibətlərin formalaşmasına öz təsirini göstərir.
Milli Məclis Sədrinin müavini diqqətə çatdırıb ki, Azərbaycan ATƏT-ə üzv olduqdan sonra vətəndaş cəmiyyətinin formalaşdırılması, şəffaf seçkilərin keçirilməsi, qanunun aliliyinin təmin olunması, təhlükəsizlik və əməkdaşlıq məsələlərində xeyli nailiyyətlər əldə edib: "İstər ölkəmizdə, istərsə də bölgədə təhlükəsizliyin daha da gücləndirilməsində bizə maneçilik törədən bir sıra səbəblər vardır və bunlardan biri də Ermənistan-Azərbaycan, Dağlıq Qarabağ münaqişəsinin bugünə qədər həll olunmamasıdır. Rəsmi Bakı ATƏT-in sammitlərində, həm də Parlament Assambleyası çərçivəsində qəbul olunan qərarları bu problemin həllinə yönəlmiş səylər kimi qəbul edir və həm də hesab edirik ki, bu qərarlar sona qədər icra olunmadığından ATƏT üzərinə düşən missiyanı tam şəkildə yerinə yetirməyib. Bu gün ATƏT-in Minsk qrupunun həmsədrlərinin və qurumun bəyan etdiyi prinsiplər, prezidentlərin imzaladıqları sənədlər, BMT Təhlükəsizlik Şurasının qəbul etdiyi 4 qətnamə və məsələnin bunların əsasında həll olunması tələbi bizi qane edir, amma konkret nəticənin əldə olunmaması heç bir tərəfi qane etmir. Azərbaycanın BMT TŞ-nin sədri kimi fəaliyyət göstərdiyi dövrü və beynəlxalq təşkilatlarda mövcud olan imkanları nəzərə alsaq, deyə bilərik ki, bu məsələnin həlli yolları vardır. Əsas odur ki, ortaya siyasi iradə qoyulsun. Biz ATƏT-in yeni sədri kimi sizin fəaliyyətə başladığınız andan nümayiş etdirdiyiniz mövqeyi dəstəkləyirik. Ümid edirik ki, bölgəyə səfəriniz, verdiyiniz bəyanatlar sonrakı fəaliyyətinizdə özünü göstərəcəkdir".
Görüş üçün təşəkkürünü bildirən Eymon Gilmor Azərbaycana səfərindən, keçirdiyi görüşlərdən məmnunluğunu ifadə edib. Qonaq Azərbaycanda demokratik vətəndaş cəmiyyətinin inkişafını, insan hüquq və azadlıqları sahəsində atılan addımları yüksək qiymətləndirib. Eamon Gilmor bildirib ki, Azərbaycanda fikir azadlığı, plüralizm var.
ATƏT-in fəaliyyətdə olan sədri Ermənistan-Azərbaycan qoşunlarının təmas xəttində atəşkəsin pozulmasından, xüsusən də son dövrlər baş verən hadisələrdən ciddi narahatlıq keçirdiyini diqqətə çatdırıb: "İrlandiya da münaqişələrdən əziyyət çəkib. Yaxşı başa düşürük ki, bu cür problemlər tezliklə həllini tapmalıdır. ATƏT bu münaqişənin həlli ilə bağlı bir sıra tədbirlər nəzərdə tutub".
Görüşdə, eyni zamanda "Diffamasiya haqqında" qanun layihəsinin hazırlanması, qarşıdan gələn prezident seçkilərinə hazırlıq, ATƏT-in müvafiq institutları ilə əməkdaşlıq, qanun yaradıcılığında birgə fəaliyyət və tərəfləri maraqlandıran digər məsələlər ətrafında geniş fikir mübadiləsi aparılıb.
Rəşad BAXŞƏLİYEV,
Fərman BAĞIROV (foto),
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Energetika naziri Qazaxda vətəndaşlarla görüşüb
29 Mart
Türkiyədə bələdiyyə seçkilərinə hazırlıq başa çatıb
29 Mart
“2026-cı ilə qədər 6000 keçmiş məcburi köçkünün peşə təliminə cəlb olunması nəzərdə tutulub” - AÇIQL...
29 Mart
"Aqroservis" ASC-nin sədr müavini Zaqatalada vətəndaşları qəbul edib, təsərrüfatlarla tanış olub...
29 Mart
Almaniyada kimlər daha çox pensiya alır?
29 Mart
Havada toz müşahidə olunur
29 Mart
Ceyhun Kərəmov: Böyük Qayıdış regionda peşə təhsili sistemi üçün də yeni imkanlar açır - YENİLƏNİB...
29 Mart
İsveçrənin hidrogen qatarı rekord vurub
29 Mart
Laçındakı Aqrosənaye parkında 46 müəssisə fəaliyyət göstərəcək
29 Mart
Moskvada MDB İqtisadi Şurasının iclası keçirilib
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!