08 May 2021 11:34
938
Səhiyyə
A- A+

Azərbaycanda bir ilk - bir xəstəyə iki qaraciyər köçürüldü!

 

“Mərkəzi Klinika”da ölkəmizdə ilk dəfə olaraq qaraciyər sirrozundan əziyyət çəkən bir xəstəyə iki qaraciyər transplantasiyası uğurla yerinə yetirilib. Bu, dünyada ən mürəkkəb və riskli əməliyyat hesab edilir. Belə əməliyyatlara dual qaraciyər transplantasiyası deyilir.

AZƏRTAC xəbər verir ki, bu barədə əməliyyatı aparan cərrah-transplantoloq, tibb üzrə fəlsəfə doktoru Mircəlal Kazımi mətbuat konfransında bəhs edib.

Cərrah-transplantoloq deyib: “Xəstə uzun müddət idi ki, hepatit B ilə əlaqədar olaraq qaraciyər sirrozundan əziyyət çəkirdi. Bununla əlaqədar xarici ölkələrdə də müayinədə olub. Tək çarəsi qaraciyər transplantasiyası idi. Əksər hallarda belə vəziyyətdə donor rolunu xəstənin yaxın qohumları oynayır. Lakin bu dəfə xəstə üzərində əməliyyat aparmaq üçün bir donor kifayət etmirdi. Ona görə də iki donorun hər birinin qaraciyərindən bir pay götürülərək qaraciyər transplantasiyası aparılmasına qərar verildi. Könüllü olaraq donor kimi bacısı və xalası oğlu əməliyyata hazırlandı. Təxminən iki həftə ərzində uzun və çətin bir yol keçdik. 12-14 saat çəkən transplantasiya prosesi uğurla yekunlaşdı. Əməliyyat nəticəsində xəstənin həyatını xilas etmək mümkün oldu və o, hepatit B təhlükəsindən də azad edildi”.

O, bu əməliyyatın ölkə səhiyyəsinin bir uğuru kimi dəyərləndirib və qeyd edib ki, 2008-ci ildən indiyədək Azərbaycanda 1500-ə yaxın xəstə üzərində qaraciyər və böyrək transplantasiyası aparıb. Cərrah-transplantoloq bunu gənc tibbi kadrların təhsilinə göstərilən dövlət qayğısı, eləcədə səhiyyə müəssisələrinin maddi-texniki bazasının möhkəmləndirilməsinə və müasir tibbi avadanlıqlarla təchizatına göstərilən dövlət qayğısı ilə əlaqələndirib, əməliyyatın uğurlu alınmasında donor komandasının rəhbəri Dr. Kamran Beydullayevin böyük əməyi olduğunu bildirib və ona xüsusi təşəkkürünü qeyd edib.

Klinikanın baş həkiminin müavini, ümumi cərrah Dr. Zaur Xəlilov əməliyyatın mürəkkəbliyi haqqında məlumat verərək deyib: “Hər donor üzərində əməliyyat 5-6 saat davam etdi. Mən xüsusi olaraq qeyd etmək istəyirəm ki, bu əməliyyatın uğurlu alınmasında xəstəxananın anesteziologiya və reanimotologiya bölməsində çalışan tibb işçilərinin və bütün kollektivin çox böyük əməyi var. Eyni zamanda, xəstənin həyata qayıtması üçün sağlamlıq problemi olmadan donor kimi çıxış edən xəstənin yaxınlarının fədakarlığı da hər cür təqdirə layiqdir”.

Mətbuat konfransında üzərində qaraciyər transplantasiyası aparılan xəstə Arzuman Sadıqlı çıxış edərək onun həyata qayıtmasında əməyi olan hər bir həkim və tibb işçisinə minnətdarlığını bildirib. “30 yaşım var, evdə iki övladım yolumu gözləyir. Yenidən həyata qayıtdığım, ailəmə, övladlarıma qovuşduğum üçün özümü çox xoşbəxt hesab edir və bunun üçün Mircəlal həkimin rəhbərlik etdiyi əməliyyat qrupuna, xəstəxanaya və tibb heyətinə ən xoş və ülvi hisslərimi çatdırmaq istəyirəm. Özümü çox yaxşı hiss edirəm və yaxın günlərdə evə, ailəmə və övladlarımın yanına dönəcəyəm”,- deyə ürək sözlərini ifadə edib.

Xəstənin donorları bacısı Rəna Sadıqova və xalası oğlu Anar Qasımov uğurlu əməliyyat üçün klinikanın kollektivinə təşəkkür ediblər. Xəstənin atası Vəli Sadıqov isə deyib: “Arzumanı müalicə üçün 6 il Gürcüstana və Türkiyəyə aparmışıq. Bizə müxtəlif ölkələrə, klinikalara üz tutmağı məsləhət bilirdilər. Lakin oğlumun xilasının heç də başqa ölkələrdə yox, öz ölkəmizdə , öz səhiyyəmizdə olduğunu öyrəndim və öz təcrübəmdə buna şahid oldum. Öz həkimlərimiz oğlumu bizə yenidən bəxş etdilər”.

Mətbuat konfransında məlumat verilib ki, donorlar üç və ya beş gündən sonra evə buraxılıblar. Xəstənin isə evə yazılması planlaşdırılır yaxın günlərdə evə yazılacaq.

Qeyd etmək istəyirik ki, Dr. Mircəlal Kazımi Azərbaycanda və Cənubi Qafqazda ilk dəfə qaraciyər transplantasiyası edən cərrahdır. O, komandası ilə birlikdə transplantologiya sahəsində ilklərə imza ataraq regionda ən çox qaraciyər və böyrək transplantasiyası icra edən cərrahdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video