01 Noyabr 2013 03:11
346
PARLAMENT
A- A+

Azərbaycan-Sudan əlaqələrinin inkişaf perspektivləri müzakirə edilmişdir

 

Oktyabrın 31-də Azərbaycan Respublikası Milli Məclisinin Sədri Oqtay Əsədov Üçüncü Bakı Beynəlxalq Humanitar Forumunda iştirak etmək üçün ölkəmizdə səfərdə olan Sudan Prezidentinin köməkçisi, hakim Milli Konqres Partiyasının vitse-prezidenti Nəfiə Əli Əhmədin başçılıq etdiyi nümayəndə heyəti ilə görüşmüşdür.

Milli Məclisin Sədri Sudanın Azərbaycanın müstəqilliyini tanıyan ilk ölkələrdən biri olduğunu demişdir. Oqtay Əsədov hər iki ölkənin beynəlxalq təşkilatlarda bir-birinin haqlı mövqeyini dəstəklədiyini vurğulamışdır. Milli Məclisin Sədri Sudanın BMT Təhlükəsizlik Şurasının və İslam Əməkdaşlıq Təşkilatının Ermənistan-Azərbaycan, Dağlıq Qarabağ münaqişəsi ilə bağlı qəbul etdiyi qətnamələri dəstəkləməsinin ölkəmizə dost münasibəti bəslədiyinin bariz göstəricisi olduğunu bildirmişdir.

İki ölkə arasında əlaqələrin genişləndirilməsi üçün yaxşı potensialın olduğunu deyən Oqtay Əsədov Azərbaycanın Sudan ilə əməkdaşlığının daha da inkişaf etdirilməsində maraqlı olduğunu diqqətə çatdırmış, bunun üçün mövcud hüquqi bazanın gücləndirilməsinin önəmini vurğulamışdır.

Azərbaycana ikinci dəfə səfər etdiyini deyən Nəfiə Əli Əhməd Üçüncü Bakı Beynəlxalq Humanitar Forumunda iştirakından məmnunluğunu bildirmişdir. Forumun əhəmiyyətindən danışan qonaq humanitar sahə ilə bağlı bütün məsələlərin Sudan üçün hər zaman vacib olduğunu diqqətə çatdırmışdır.

 

AzərTAc,

A.MƏMMƏDOV (foto),

"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video