09:28 24 Sentyabr 2021
ONLINE XƏBƏR LENTİ
01:24 24.09.2021

Güc simvolu


Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Prezidenti İlham Əliyev Slovakiyada əsaslı təmir edilərək Bakıya gətirilmiş sərnişin vaqonları ilə tanış olmuşdur
ANA SƏHİFƏ / SƏFƏRLƏR
01:11 25.11.2011

 

Azərbaycan Respublikasının Prezidenti İlham Əliyev noyabrın 24-də Bakı dəmir yolu stansiyasında "Azərbaycan Dəmir Yolları" Qapalı Səhmdar Cəmiyyətinin sifarişi ilə Slovakiyada əsaslı təmir edilərək paytaxta gətirilmiş sərnişin vaqonları ilə tanış olmuşdur.

Dövlət başçısı əvvəlcə "Azərbaycan Respublikasında dəmir yolu nəqliyyat sisteminin 2010-2014-cü illərdə inkişafına dair Dövlət Proqramı" çərçivəsində görülən işləri əks etdirən stendlərə baxdı.

Nəqliyyat naziri Ziya Məmmədov Prezident İlham Əliyevə Dövlət Proqramının ölkənin dəmir yolu şəbəkəsinin hərtərəfli inkişafına təkan verdiyini bildirdi. Qeyd olundu ki, proqrama əsasən  dəmir yollarında təhlükəsizliyin gücləndirilməsi və hərəkətin beynəlxalq standartlar səviyyəsinə çatdırılması, o cümlədən sərnişinlərə xidmətin yaxşılaşdırılması, elektron idarəetmə sisteminin tətbiqi qarşıda duran əsas prioritetlərdəndir. Proqram çərçivəsində həyata keçirilən mühüm tədbirlərdən biri də dəmir yollarının maddi-texniki bazasının yaxşılaşdırılması və yüksək standartlara cavab verən avadanlıqla təchizatını uğurla həyata keçirməkdir. Yeni polad magistralların çəkilməsi, köhnə yolların yenidən qurulması, vaqon və lokomotiv parkının yenilənməsi, həmçinin yolçəkmədə və yol təmirində istifadə edilən qurğuların alınması da bu istiqamətdə atılan mühüm addımlardandır.

Bildirildi ki, Çexiya "İxrac" Bankının krediti ilə "Azərbaycan Dəmir Yolları" QSC-nin Bakı-Böyük Kəsik sahəsində 317 kilometr yolun əsaslı təmiri uğurla davam etdirilir. Bugünədək həmin yolun 22 kilometrlik hissəsinin əsaslı təmiri başa çatdırılıb. Prezident İlham Əliyev Bakı-Tbilisi-Qars dəmir yolu layihəsi üzrə görülən işləri əks etdirən stendə baxdı. Məlumat verildi ki, hazırda Azərbaycan dövlətinin vəsaiti hesabına Gürcüstan ərazisində uzunluğu 153 kilometr olan Marabda-Tetritskaro sahəsində tikinti-bərpa işləri həyata keçirilir. Axalkalaki və Türkiyə sərhədində yerləşən Kartsaxi stansiyasında işlərin 2012-ci ilin sonunadək yekunlaşdırılması nəzərdə tutulur.

Dövlət başçısı Çexiya "İxrac" Bankı ilə imzalanan müqavilə əsasında indiyədək alınmış material və texnikanı, həmçinin dəmir yollarının tikintisində və təmirində istifadə olunan avadanlığın istehsalı, daşınması və quraşdırılmasını əks etdirən fotostendə də baxdı.

Sonra Prezident İlham Əliyevə məlumat verildi ki, istismar müddətini başa vuran kupe tipli 5 sərnişin vaqonu 2009-cu ilin fevralında əsaslı təmir üçün Slovakiyanın "Sazvrudki" zavoduna göndərilmişdi. Əsaslı təmiri iki il çəkən bu vaqonlar oktyabrın sonlarında Bakıya gətirilmişdir. Vaqonlar ekspress marşrutlarda istifadəyə uyğunlaşdırılmış, hər birində müasir havalandırma sistemi quraşdırılmışdır. Vaqonlar ekoloji qurğularla təchiz olunmuş, daxili dizaynı yenilənmiş, kreslo tipli oturacaqlarla təchiz edilmişdir. Dörd vaqon "ekonomklass" olmaqla hər biri 60, "biznesklass" vaqon isə 45 sərnişin üçün nəzərdə tutulmuşdur. Hər bir vaqon 4 televizor, içməli su, monobloklu kondisioner sistemi və soyuducu ilə təchiz olunub. Vaqonlarda sərnişinlərin rahatlığı üçün bütün lazımi şərait yaradılmışdır.

Prezident İlham Əliyev internetə qoşulmuş kompyuter vasitəsilə "onlayn" bilet sifarişi prosesini izlədi. Bildirildi ki, bu sistem vasitəsilə həm yerli, həm də xarici marşrutlar üzrə bilet sifariş etmək və qatarların hərəkət cədvəlini izləmək mümkündür.

Dövlət başçısının diqqətinə çatdırıldı ki, sərnişin vaqonları ilə yanaşı, "Sazvrudki"nin Çexiyadakı filialında əsaslı təmir olunmuş ÇM-3 tipli mazutla işləyən manevr teplovozu, Dövlət Proqramı çərçivəsində "Azərbaycan Dəmir Yolları" QSC-nin vəsaiti hesabına yeni alınmış MPT-4 markalı 3 kran-drezin də Bakıya gətirilmişdir. Onlardan dəmiryolçuların iş yerlərinə çatdırılmasında və yol çəkilişində istifadə olunan materialların yüklənməsində, daşınmasında istifadə olunacaqdır.

Görülən işlərdən razılığını bildirən Prezident İlham Əliyev tapşırıq və tövsiyələrini verdi. 

 

AzərTAc



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM