04 Sentyabr 2014 01:09
855
Turizm
A- A+

Azərbaycan Konqreslər Bürosunun “Açıq qapılar”ı

Azərbaycan Respublikası Mədəniyyət və Turizm Nazirliyinin dəstəyi ilə fəaliyyət göstərən Azərbaycan Konqreslər Bürosu (AKB) 2014-cü il üçün fəaliyyət planındakı hədəflər çərçivəsində nəzərdə tutulan “Açıq qapılar” tədbirini keçirib.

Mərasimi açan AKB-nin icraçı direktoru Florian Sengstschmid bildirib ki, tədbirin əsas məqsədi iştirakçıları AKB-nin işi, məqsəd və hədəfləri ilə daha yaxından tanış etmək, onun indiyədək gördüyü işləri və gələcək planlarını təqdim etmək, üzvlərini tanıtmaqdır.
Tədbirdə çıxış edən mədəniyyət və turizm naziri Əbülfəs Qarayev Azərbaycanda turizmin inkişafı istiqamətində görülən genişmiqyaslı işlərdən söz açıb. Diqqətə çatdırıb ki, turizm hər bir ölkənin iqtisadiyyatının bir hissəsidir. 2011-ci ildə isə bu dövlət səviyyəsinə çatdırılıb. Ümumi inkişaf göstərir ki, Azərbaycan dünya səviyyəsində ən məşhur müxtəlif beynəlxalq tədbirlər keçirir.
Natiq Azərbaycan Konqreslər Bürosunun fəaliyyətinə böyük önəm verildiyini deyib. Diqqətə çatdırıb ki, təkcə Bakı ilə məhdudlaşmaq kifayət deyil, regionların da turizm imkanlarından istifadə etmək lazımdır və bu istiqamətdə müvafiq işlər bundan sonra da davam edəcək.
Nazir Azərbaycan dövləti tərəfindən turizmin inkişafına, eləcə də Azərbaycan Konqreslər Bürosunun fəaliyyətinə hər zaman dəstək göstəriləcəyini vurğulayıb.
Mərasim AKB-yə üzv olan mehmanxana və turizm fəaliyyəti ilə məşğul olan şirkətləri, Azərbaycanın biznes turizmi sahəsində çalışan müxtəlif şirkət və firmaları bir araya gətirib.
Tədbirdə, həmçinin büroya üzv olmaq istəyən şirkət və mehmanxanalara, eləcə də biznes turizmi bazarının digər iştirakçılarına üzvlüyün açacağı imkanlar təqdim olunub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video