13 Oktyabr 2011 07:10
849
Milli Məclis
A- A+

Azərbaycan ilə Avstriya arasında əlaqələrin inkişafı üçün mükəmməl hüquqi baza vardır

 

Azərbaycanda rəsmi səfərdə olan Avstriya Prezidenti Haynts Fişer oktyabrın 12-də Milli Məclisə gəlmişdir.

Parlamentin binası önündə ali qonağı Milli Məclisin Sədri Oqtay Əsədov və digər rəsmi şəxslər qarşıladılar.

Avstriya Prezidenti Milli Məclisin iclas zalına baxdı, parlamentin binasındakı Heydər Əliyev Xatirə zalı ilə tanış oldu. Prezident Haynts Fişer Xatirə kitabına ürək sözlərini yazdı.

Milli Məclisin Sədri Oqtay Əsədov Azərbaycan ilə Avstriya arasındakı əlaqələrdən danışdı, hər iki ölkənin prezidentlərinin  ikitərəfli münasibətlərin inkişafına çox böyük önəm verdiyini bildirdi. Avstriya Prezidentinin ötən il Astanada Azərbaycan Prezidenti İlham Əliyevlə görüşünü xatırladan O.Əsədov bu cür görüşlərin, aparılan danışıqların mühüm əhəmiyyət kəsb etdiyini vurğuladı. Prezident Haynts Fişerin Azərbaycana səfərinin əlaqələrimizin inkişafına böyük təkan verəcəyinə əminliyini ifadə etmişdir. 

O.Əsədov demişdir ki, iki ölkə arasında münasibətləri daha da genişləndirmək üçün mükəmməl hüquqi baza vardır. Bugünə qədər ölkələrimiz arasında iqtisadi, siyasi, mədəni və humanitar sahələrdə əlaqələrin inkişafına dair 36 sənəd imzalanmışdır və Avstriyanın 40-a yaxın şirkəti Azərbaycanda fəaliyyət göstərir.

İkitərəfli əlaqələrin genişlənməsində parlamentlərin rolunu xüsusi qeyd edən O.Əsədov Avstriya parlamentinin sədrini Azərbaycana səfərə dəvət etdiyini bildirmişdir.

Milli Məclisin Sədri Azərbaycanın inkişafına mane olan, xüsusən də region dövlətləri və Avropanın özünün təhlükəsizliyinə ciddi təhdid olan Dağlıq Qarabağ münaqişəsi barədə ətraflı məlumat vermiş, Ermənistanın qeyri-konstruktiv mövqeyi üzündən problemin həllinin uzandığını bir daha ali qonaqların diqqətinə çatdırmışdır. Bildirilmişdir ki, rəsmi Bakı problemin sülh yolu ilə ədalətli həllində maraqlıdır. Ümid edirik ki, beynəlxalq təşkilatların səyi nəticəsində problem Azərbaycanın ərazi bütövlüyü çərçivəsində ədalətli həllini tapacaqdır və Avstriya dövləti də bu işdə öz səylərini artıracaqdır.

Prezident Haynts Fişer Azərbaycana səfərindən məmnun qaldığını bildirmiş, Milli Məclisdə deputatlar üçün yaradılmış şəraiti yüksək qiymətləndirmişdir. Ali qonaq demişdir ki, ölkələrimiz arasında əlaqələrin inkişafında parlamentlərin rolu həqiqətən də danılmazdır. Bu baxımdan parlament rəhbərlərinin və deputatların səfərləri böyük önəm daşıyır.

Nümayəndə heyətinin üzvü, Avstriya Milli Şurasının vitse-prezidenti Fritz Noygebauer parlamentlərarası əlaqələrdən danışmış,  Milli Məclisin fəaliyyəti ilə maraqlanmışdır.

Oqtay Əsədov Azərbaycan parlamentinin tarixi, fəaliyyəti, keçdiyi şərəfli yol, Milli Məclisdə qəbul olunmuş qanun və qərarlar, deputatların iş şəraiti barədə qonaqlara ətraflı məlumat vermişdir.

Görüşdə qarşılıqlı maraq doğuran məsələlər barədə fikir mübadiləsi aparılmışdır.

 

AzərTAc

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video