Azərbaycan alimlərinin əsəri ABŞ-ın nüfuzlu «Springer» nəşriyyatında çap olunub
Akademiklər Cəlal Əliyev, İradə Hüseynova, alimlərdən Nərgiz Sultanova, Ələmdar Məmmədov və Səftər Süleymanovun həmmüəllifləri olduqları "Biotik stress və kənd təsərrüfatı bitkilərinin yaxşılaşdırılması" adlı fəsil ABŞ-ın nüfuzlu "Springer" nəşriyyatında çapdan çıxmış "İqlim dəyişkənlikləri erasında kənd təsərrüfatı bitkilərinin yaxşılaşdırılması" kitabına daxil edilib.
Azərbaycan Milli Elmlər Akademiyasından AzərTAc-a bildiriblər ki, kitab bitkilərdə virus xəstəliklərinin tədqiqinə həsr olunub. 2008-ci ildən başlayaraq Azərbaycanda ilk dəfə olaraq AMEA Botanika İnstitutunun bioloji məhsuldarlığın fundamental problemləri şöbəsində akademik Cəlal Əliyevin rəhbərliyi altında tərəvəz və paxlalı bitkiləri yoluxduran virus xəstəliklərin molekulyar diaqnostikası və identifikasiyası üzrə tədqiqat işlərinə başlanılıb. Azərbaycanın müxtəlif bölgələrinə çoxsaylı fitopatoloji monitorinqlər zamanı mozaika, cırtdanboyluluq, saralma, soluxma, burulma, buğumlararası qısalmalar və floemanın rəngsizləşməsi kimi virus xəstəliyinin xarakterik simptomlarına əsaslanan vizual diaqnostika nəticəsində bitki nümunələri toplanaraq İFA test-sistemi və ən müxtəlif müasir molekulyar metodlarla təyin edilib. Aparılan tədqiqatlar nəticəsində tərəvəz və paxlalı bitkilərdə RNT-genomlu (ToCV, TMV, CMV, CYSDV, CVYV, CCYV, MNSV, BCMV, BLRV, BYMV) və DNT-genomlu (TYLCV və nanoviruslar) viruslar aşkar olunub və onların növ səviyyəsində identifikasiyası aparılıb. Eyni zamanda, viruslarla yoluxmuş bitkilərin struktur-funksional xüsusiyyətləri kompleks tədqiq edilib.
Patogenez zamanı sərbəst radikalların yaranması və antioksidant müdafiə sistemləri, xloroplastların nativ halı, fotosintetik aparatın fotokimyəvi fəallığı, FS II-nin potensial kvant çıxımı (Fv/Fm nisbəti), tilakoid membranı zülalları və fotosintetik piqmentlər ətraflı öyrənilib.
Kitabda yer alan müvafiq fəsil "Springer" nəşriyyatından daxil olan xüsusi dəvət əsasında hazırlanıb.
AzərTAc
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
A.İ.İsmayılovun 3-cü dərəcəli "Vətənə xidmətə görə" ordeni ilə təltif edilməsi haqqında...
25 Aprel
Azərbaycan Respublikasının Mülki Prosessual Məcəlləsində dəyişiklik edilməsi haqqında
25 Aprel
"Təhsil haqqında" Azərbaycan Respublikasının Qanununda dəyişiklik edilməsi barədə" Azərbaycan Respub...
25 Aprel
"Azərbaycan Yerüstü Nəqliyyat Agentliyinin fəaliyyətinin təmin edilməsi və Azərbaycan Respublikası P...
25 Aprel
"RESPUBLİKA DİAQNOSTİKA MƏRKƏZİ" ASC-nin səhmdarlarının nəzərinə
25 Aprel
"Azərbaycan Xəzər Dəniz Gəmiçiliyi" QSC-nin tabeliyində olan struktur idarələrə tələb olunan tikinti...
25 Aprel
Husilər tərəfindən iki ticarət gəmisi və bir Amerika esminesi hücuma məruz qalıb
25 Aprel
Bakıda Rusiya Kinosu Günlərinin təntənəli açılış mərasimi olub
24 Aprel
Türkiyə XİN 1915-ci il hadisələri ilə bağlı bəyanat yayıb
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!