25 Aprel 2017 12:04
916
Turizm
A- A+

Avstriya səfiri: Azərbaycanla turizm sektorunda çoxşaxəli əməkdaşlıq qurulması mümkündür

 

Avstriya Azərbaycanda qeyri-neft sektorunun inkişafına töhfə verməkdə maraqlıdır. Hələlik ölkələrimiz arasında ticarət dövriyyəsinin ümumi həcmi 220 milyon avrodur. Lakin bu, mövcud potensialı əks etdirmir. Hazırda siyasi münasibətlərimiz imkan verir ki, biz ölkələrimiz arasında iqtisadi əlaqələri daha da gücləndirək. Xüsusən Azərbaycan ilə turizm sektorunda çoxşaxəli əməkdaşlıq qurulması mümkündür.

AZƏRTAC xəbər verir ki, bu fikirləri Avstriyanın ölkəmizdəki səfiri Aksel Vex Gəncəyə səfəri zamanı şəhər icra hakimiyyətində gələcək əməkdaşlığın istiqamətləri, o cümlədən iqtisadiyyatın müxtəlif sahələrinin inkişafı ilə bağlı məsələlərin müzakirəsi zamanı səsləndirib.

Səfir bildirib ki, ölkəsi yüksək təhsilə, qabaqcıl texnologiyalara və güclü iqtisadiyyata malikdir. Avstriyanın şəhərsalma, şəhər infrastrukturunun yenilənməsi, kommunal xidmətlərin göstərilməsi sahəsində böyük təcrübəsi var. Həmçinin ölkə aqrar sektorun bir çox sahələrinin inkişafına görə də dünya miqyasında ön sıralardan birini tutur.

Qeyd edilib ki, Avstriya ölkəmizdə müasir tipli aqroparkların qurulmasında, aqrar-sənaye komplekslərində yüksək idarəçiliyin təşkilində, kənd təsərrüfatı mütəxəssislərinin hazırlanmasında, ölkəmizə cins mal-qaranın, aqrar texnologiya və avadanlıqların ixracında və sənaye sahələrinin modernləşdirilməsində maraqlıdır.

Avstriyanın göllər diyarı olduğunu və turizm sektorunun bu ölkədə inkişaf etdiyini deyən səfir Aksel Vex bildirib ki, Azərbaycanda dağ-xizək turizminin inkişaf etdirilməsi, Göygöl və ətraf ərazilərdə turizm infrastrukturunun yaradılması, turizm üzrə mütəxəssislərin hazırlanması, eləcə də bu sektorda xidmətlərin göstərilməsində birgə əməkdaşlığın qurulması mümkündür.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video