20 Iyun 2021 23:09
6329
İDMAN
A- A+

“Avro-2020”: İsveçrə millisi Türkiyə yığmasına qalib gəlib

 

İyunun 20-də “Avro-2020”nin A qrupunun Bakı Olimpiya Stadionunda sonuncu matçı keçirilib. Görüşdə İsveçrə və Türkiyə yığmaları üz-üzə gəliblər.

AZƏRTAC xəbər verir ki, Türkiyə millisinin start heyətindı meydana Uğurcan Çakır, Zeki Çelik, Merih Demiral, Çağlar Söyüncü, Ozan Tufan, Cengiz Ünder, Hakan Çalhanoğlu, Burak Yılmaz, İrfan Can Kahveci, Kaan Ayhan və Mert Müldür çıxıblar.

İsveçrə seçməsinin ilk on birliyində isə Yan Zommer, Silvan Vidmer, Niko Elvedi, Manuel Akanci, Bril Embolo, Remo Froyler, Haris Seferoviç, Qranik Caka, Rikardo Rodriges, Stiven Tsuber və Cerdan Şakiri yer alıblar.

Sloveniyalı FIFA referisi Slavko Vinçiçin idarə etdiyi matç İsveçrə millisi 3:1 hesablı qələbəsi ilə başa çatıb. İsveçrə millisinin heyətində Cerdan Şakiri dubl edib, Haris Seferoviç isə fərqlənib. Türkiyə millisinin “Avro-2020”nin final mərhələsində yeganə qolunu isə İrfan Can Kahveci vurub.

Beləliklə, turnirin qrup mərhələsini xalsız başa vuran Türkiyə millisi “Avro-2020”də mübarizəni dayandırıb.

İlk turda Türkiyə millisi İtaliya seçməsinə 0:3, daha sonra Uels yığmasına 0:2 hesabı ilə məğlub olub. İsveçrə-Uels oyununda isə qalib müəyyənləşməyib -1:1. İsveçrə növbəti oyununda İtaliyaya 0:3 hesabı ilə uduzub.

A qrupuna 9 xalla İtaliya millisi başçılıq edir. Komanda artıq ötən tur növbəti mərhələyə vəsiqəni təmin edib. Hesabında 4 xal olan Uels və İsveçrə yığmaları 2-ci və 3-cü pillədə yer alıblar. Uels millisi də növbəti mərhələdə mübarizə aparacaq.

Bakı Olimpiya Stadionu iyulun 3-də turnirin dörddəbir final mərhələsinin bir oyununa ev sahibliyi edəcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video