16:42 30 Iyul 2021
ONLINE XƏBƏR LENTİ
11:39 30.07.2021 Şuşanın dağları
Suqovuşanın təbiət mənzərələri FOTO
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

“Avro 2020”: Fransa Almaniya yığmasını minimal hesabla məğlub edib
ANA SƏHİFƏ / İDMAN
11:37 16.06.2021

 

İyunun 15-də futbol üzrə Avropa çempionatının F qrupunda birinci turun oyunlarına yekun vurulub.

AZƏRTAC xəbər verir ki, Münhendə "Fussball Arena"da keçirilən görüşdə Fransa və Almaniya komandaları qarşılaşıb. Gərgin şəraitdə keçən oyunda Fransa seçməsi rəqibini minimal hesabla üstələyib. Görüşdə vurulan yeganə qol isə 20-ci dəqiqədə Almaniya yığmasının müdafiəçisi Mats Hummelsin topu səhvən öz qapısına göndərməsi olub.

F qrupun digər görüşündə isə Portuqaliya komandası Macarıstan seçməsini üç cavabsız qolla məğlub ediblər.

F qrupunun turnir cədvəlinə 3 xalla Portuqaliya komandası başçılıq edir. İkinci pillədə 3 xala malik olan Fransa, 3-cü və 4-cü pillələrdə isə müvafiq olaraq Almaniya və Macarıstan yığmaları qərarlaşıb.

Xatırladaq ki, A qrupunda yer alan İsveçrə və Uels komandalarının Bakının Olimpiya Stadionunda keçirilən görüşü heç-heçə nəticələnib – 1:1. Paytaxtımızda keçiriləcək digər qarşılaşma - Türkiyə-Uels matçı iyunun 16-da Bakı vaxtı ilə saat 20:00-da baş tutacaq.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM