Astarada çayçılığı dirçəltmək üçün perspektivlər genişdir
Ötən əsrin 30-cu illərindən başlayaraq respublikamızın bir sıra bölgələrində, əsasən Astara və Lənkəranda çayçılığın təməli qoyulmuşdur. 100 ildən çox ömrü olan çay kolları həm bol və qiymətli məhsulu ilə, həm də ekologiyanın mühafizəsi və qorunması baxımından nadir bitkilərdən sayılır. Maraqlıdır ki, çoxillik əkmələrdən çay bitkisi hər yerdə deyil, yalnız spesifik xüsusiyyətləri olan torpaqlarda yetişdirilir.
Azərbaycanın cənub bölgəsində yetişdirilən yaşıl çay öz dadı və keyfiyyəti ilə seçilir. Bu bölgədə ekoloji cəhətdən təmiz şəraitdə yetişdirilən məhsul Madrid, Moskva kimi dünyanın məşhur şəhərlərində keçirilən ümumdünya sərgilərində dəfələrlə qızıl medala layiq görülmüşdür.
SSRİ dağılana qədər Azərbaycanda, əsasən Astara-Lənkəran bölgəsində çayçılıq sürətlə inkişaf etdirilirdi. Ötən əsrin 80-90-cı illərində Astarada 3000 hektardan çox çay plantasiyaları vardı. İldə 7000 tondan çox yaşıl çay yarpağı istehsal edilirdi. Amma müstəqilliyin ilk illərində iqtisadiyyatın digər sahələri kimi, çayçılıq sahəsində də durğunluq və böhran baş verdi. Minlərlə hektar çay sahəsi baxımsızlıq üzündən sıradan çıxdı.
Çox yaxşı haldır ki, bu gün ölkəmizdə çayçılığın inkişafına ciddi diqqət yetirilməsinə başlanılmışdır. Heç də təsadüfi deyil ki, regionların sosial-iqtisadi inkişafı ilk Dövlət Proqramında çayçılığın inkişafı ilə əlaqədar mühüm tədbirlər nəzərdə tutulmuş və icrası təmin edilmişdir. İkinci regional inkişaf Dövlət Proqramında da subtropik meyvəçilik, çayçılıq, tərəvəzçilik, kənd təsərrüfatı məhsullarının emalının inkişafının dəstəklənməsinin davam etdirilməsi nəzərdə tutulmuşdur.
Çayçılığın inkişafı ilə əlaqədar Astarada xüsusi tədbirlər planı hazırlanmış, icrasının vaxtında təmin edilməsi məqsədilə komissiya və işçi qrupu yaradılmışdır. Hazırda çayçılığın keçmiş şöhrətini qaytarmaq üçün rayonda genişmiqyaslı işlər aparılır. Astarada bu gün 600 hektardan çox çay plantasiyası vardır və onun 203 hektarında aqrotexniki tədbirlər həyata keçirilir. 2011-ci ildə həmin sahələrdən 250 tona yaxın yaşıl çay yarpağı yığılmışdır. Son illər çayçılığın inkişaf etdirilməsi ilə əlaqədar konkret və əməli tədbirlər həyata keçirilir. Şüvi ərazi nümayəndəliyində 200 hektardan çox sahədə yeni çay plantasiyası salınmasına başlanılmışdır. Həmin məqsədlə tingçilik təsərrüfatı yaradılmış, 1,5 milyon şitil yetişdirilmişdir.
Bu bir həqiqətdir ki, bazar iqtisadiyyatı dövründə kənd təsərrüfatının, xüsusən çayçılığın inkişaf etdirilməsi özəl sektorun, iş adamlarının fəallığından, çevikliyindən və təşəbbüskarlığından asılıdır. Bu baxımdan Astarada çayçılığın inkişafı üçün gərgin əmək sərf edən sahibkarlardan biri də "Emin" kəndli-fermer təsərrüfatının rəhbəri, 2 nömrəli Astara Çay Fabrikinin icraçı direktoru Nizami Rəsulovdur. Biz onunla Kijəbə qəsəbəsinin mərkəzində yerləşən çay plantasiyasında görüşdük. 34 hektar sahəni əhatə edən çay plantasiyaları rayonda nümunəvi çay sahəsi kimi tanınır. 83 ailə təsərrüfatını birləşdirən "Emin" fermer təsərrüfatı bu il 100 tondan çox yaşıl çay yarpağı toplamağa nail olmuşdur.
N.Rəsulov ölkəmizdə, o cümlədən rayonda sahibkarlara göstərilən qayğı və diqqətdən həvəslə söhbət açdı:
- Ölkəmizdə sahibkarlara, iş adamlarına hər cür şərait yaradılmışdır. Mən bu şəraiti bir sahibkar kimi daim hiss etmişəm. 2002-ci ilin aprelində ulu öndər Heydər Əliyevin sahibkarlarla görüşündə mən də iş adamı kimi rayonumuzu təmsil etmişdim. Həmin görüş xatirimdə əbədi iz qoymuşdur. Ulu öndər bu görüşdə sahibkarlarla çox səmimi və işgüzar söhbət apardı. Sahibkarları əmin etdi ki, ölkəmizin bazar iqtisadiyyatı qanunlarına uyğun inkişafı üçün iş adamlarına hər cür dəstək göstəriləcək. Çox fərəhlidir ki, ulu öndərimizin sahibkarlığın inkişafı ilə əlaqədar apardığı siyasəti Prezident İlham Əliyev uğurla davam etdirir. Yeri gəlmişkən qeyd edim ki, Prezidentin iştirak etdiyi regionların sosial-iqtisadi inkişafı Dövlət Proqramının icrasının III ildönümünə həsr olunmuş ümumrespublika tədbirində Astara rayonundan bir sahibkar kimi mən də iştirak etmişəm. Bütün bu tarixi hadisələr bir daha sübut edir ki, müstəqil ölkəmizdə azad sahibkarlığın inkişafı üçün münbit şərait yaradılmış, biz iş adamlarına tam sərbəstlik verilmişdir. Mən də buna cavab olaraq regionda çayçılığın qorunub saxlanılması və inkişaf etdirilməsi məqsədi ilə var gücümü və imkanlarımı sərf edirəm. Heç də təsadüfi deyil ki, ərzaq təhlükəsizliyi ilə əlaqədar qəbul edilmiş Dövlət Proqramında çayçılığın inkişafına xüsusi yer ayrılmışdır. Mən Azərbaycan Çayçılıq Assosiasiyasının vitse-prezidenti kimi bir sıra beynəlxalq konfranslarda, çay və kofe festivallarında iştirak və çıxışlar etmişəm. Çayı ilə dünyada məşhur olan Şri-Lankada, Türkiyə, İran, Gürcüstan, Almaniya və digər ölkələrdə olmuşam. Bütün bunlar bir daha bizi səmərəli fəaliyyət göstərməyə ruhlandırır. Konkret olaraq "Emin" kəndli-fermer təsərrüfatının rəhbəri kimi birbaşa çayçılığın inkişafı ilə məşğulam. Fürsətdən istifadə edib bir məsələ barədə öz fikirlərimi bildirmək istəyirəm. Məlumdur ki, Astarada minlərlə hektar çay sahəsi baxımsızlıqdan sıradan çıxmışdır. Odur ki, çayçılığın daha da inkişafını təmin etmək məqsədi ilə bizə uzunmüddətli kreditlərin verilməsi yaxşı olardı. Çayçılığa investisiya qoyulması bu strateji məhsulun istehsalının artırılmasına sanballı kömək göstərərdi. Rayonda çayçılığın daha da inkişaf etdirilməsi üçün perspektiv olduğunu nəzərə alaraq bu sahəyə əsaslı kapital qoyuluşuna ciddi ehtiyac var. Bundan əlavə, yeni çay plantasiyalarının salınması üçün tinglik təsərrüfatları yaradılmalı, müasir texnika alınmalı, çayçılığın inkişafında zəruri əhəmiyyət daşıyan ammonium-sulfat və digər mineral gübrələr gətirilməli, çayçılıq subyektləri birləşdirilərək iri fermer təsərrüfatları və çayçılıq kooperativləri təşkil olunmalı, suvarma şəbəkəsi yaradılmalı və nəhayət, tikintisi yarımçıq qalmış Deqədi su anbarının inşası başa çatdırılmalıdır. Bu təkliflərin icrasının təmin edilməsi nəticəsində Astara rayonunda çayçılığın daha sürətli inkişafına nail olmaq mümkündür.
Seyran CAVADOV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Buraxılış tarixi on beş ildən çox olan avtomobillər taksi kimi fəaliyyət göstərə bilməyəcəklər...
28 Mart
“The Nation” qəzeti: ABŞ söz və fikir azadlığını qoruduğunu bildirir, lakin jurnalistlərin qətlinin ...
28 Mart
Türkiyə Silahlı Qüvvələri son bir həftədə 38 terrorçunu zərərsizləşdirib
28 Mart
Korsikanın muxtariyyətinə dair qanun layihəsi qəbul olundu, deputat etiraz etdi: Bu, buxovdur
28 Mart
Beynəlxalq ekspert: COP29 Azərbaycanın iqtisadi mövqeyini gücləndirməsi üçün strateji fürsətdir...
28 Mart
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!