24 Noyabr 2011 02:11
363
SİYASƏT
A- A+

Astanada «Müstəqilliyin 20 ili: kütləvi informasiya vasitələri və cəmiyyət» devizi altında Avropa və Asiyanın media nümayəndələrinin VI forumu başa çatmışdır

 

Rusiyanın "RİA Novosti" İnformasiya Agentliyinin dəstəyi ilə "Müstəqilliyin 20 ili: kütləvi informasiya vasitələri və cəmiyyət" devizi altında Astanada keçirilən Avropa və Asiyanın media nümayəndələrinin VI forumu başa çatmışdır. 

Media forumda MDB, Gürcüstan, Baltik respublikaları kütləvi informasiya vasitələrinin 250-dən artıq rəhbəri, meneceri, eksperti iştirak etmişdir.

Forumda Azərbaycanı Prezident Administrasiyası ictimai-siyasi məsələlər şöbəsinin sektor müdiri Vüqar Əliyev, "Exo" qəzetinin baş redaktoru Rauf Talışinski, "Trend" İnformasiya Agentliyinin baş direktoru İlqar Hüseynov və "Zerkalo" qəzeti baş redaktorunun müavini Tofiq Abbasov təmsil etmişlər.

Media forumda qlobal maliyyə böhranı dövründə mətbuatın vəziyyəti, informasiya texnologiyalarının sürətlə inkişaf etdiyi şəraitdə KİV-in fəaliyyətinin xüsusiyyətləri, müasir dünyada informasiyanın qarşısına qoyulan tələblər və digər məsələlər müzakirə olunmuşdur.

Forumda çıxış edən "7-ci kanal" teleşirkətinin baş direktoru Bibiqul Jaksenbay bildirmişdir ki, maliyyə böhranı bir yandan mətbuata zərbə vurmuşdursa, digər tərəfdən onu keyfiyyətsiz və rəqabətə davamlı olmayan KİV-dən təmizləmişdir.

Azərbaycan nümayəndələri ölkəmizdə mətbuatın vəziyyəti, KİV-lərə dövlətin qayğısı və mətbuat ilə əlaqədar digər məsələlər haqqında məlumat vermişlər.

Forumda MDB, Baltik respublikaları və Gürcüstan KİV-in rəhbərlərini birləşdirən "Moderator" adlı baş redaktorlar klubu da yaradılmışdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video