18:48 25 Oktyabr 2021
ONLINE XƏBƏR LENTİ
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

AŞPA-nın payız sessiyası sentyabrın 27-dən 30-dək hibrid formatda keçiriləcək
ANA SƏHİFƏ / SİYASƏT
16:09 16.09.2021

Avropa Şurası Parlament Assambleyasının (AŞPA) payız sessiyası sentyabrın 27-dən 30-dək hibrid formatda Fransanın Strasburq şəhərində keçiriləcək.

AZƏRTAC xəbər verir ki, sessiya çərçivəsində “Ətraf mühit və insan hüquqları: sağlam, təhlükəsiz və davamlı ətraf mühit hüququ” adlı yüksəksəviyyəli panel və interaktiv debatlar təşkil olunacaq.

Sessiya müddətində Avropa Şurasının sağlam ətraf mühit hüququnu təminetmə fəaliyyətinə dair 7 hesabatın dinləniləcəyi gözlənilir. Həmçinin təhlükəsiz, sağlam və təmiz ətraf mühit hüququ bərabərsizliyinin aradan qaldırılması, eləcə də iqlim və miqrasiya mövzuları, tədqiqat siyasətinin ətraf mühitin qorunmasını necə təşviq edə biləcəyinin araşdırılmasına dair hesabatlar da müzakirə olunacaq.

Ermənistan-Azərbaycan münaqişəsinin humanitar nəticələri, eləcə də sosial hüquqların gücləndirilməsi ilə sosial etimadın bərpası da müzakirə ediləcək mövzular sırasında yer alacaq.

Sessiya çərçivəsində Avropa Şurasının prezidenti Şarl Mişelin, Avropa Sağlamlıq və Qida Təhlükəsizliyi Komissarı Stella Kiryakidesin, Şimali Makedoniyanın Baş nazirinin Avropa işləri üzrə müavini Nikola Dimitrovun çıxışları gözlənilir. Həmçinin Macarıstanın Nazirlər Komitəsinə sədrliyi çərçivəsində bu ölkənin xarici işlər naziri Peter Siyarto çıxış edəcək.

Payız sessiyasında Parlament Assambleyasının sıralarında gender təmsilçiliyi, eləcə də Assambleya üzvlərinin parlament toxunulmazlığının əhatə dairəsi ilə bağlı təlimatlar da debatlarda yer alacaq.

Əfqanıstandakı vəziyyət də sessiya çərçivəsində müzakirə ediləcək mövzulardan olacaq.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM