21 Iyun 2014 02:06
357
Elm və texnika
A- A+

AMEA-nın Şamaxı Astrofizika Rəsədxanasında alimin xatirəsi anılmışdır

Azərbaycan Milli Elmlər Akademiyasının Şamaxı Astrofizika Rəsədxanasında professor Süleyman Zeynalovun anadan olmasının 80 illiyinə həsr edilmiş anma mərasimi keçirilmişdir.

Rəsədxanadan AzərTAc-a bildirmişlər ki, tədbirdə bu elm müəssisəsinin direktoru, AMEA-nın müxbir üzvü Əyyub Quliyev S. Zeynalovu həqiqi ziyalı, rəsədxanada kadrların yetişdirilməsində böyük rolu olmuş alim kimi dəyərləndirərək onun barəsində ən xoş sözlər söyləmişdir.
Professor N.İsmayılov alimin rəsədxanada apardığı elmi-tədqiqat işləri barədə geniş məlumat verərək, ifrat nəhəng ulduzların tədqiqi istiqamətində əldə etdiyi nailiyyətlərdən, bu istiqamətdə yaratdığı beynəlxalq əlaqələrdən söhbət açmışdır. Onun gənc alimlərə diqqət və qayğısını qeyd edərək, ifrat nəhəng ulduzların tədqiqi istiqamətində rəsədxanada yaratdığı məktəb və başladığı işlərin hazırda tələbələri tərəfindən müvəffəqiyyətlə davam etdirildiyini vurğulamışdır. S.Zeynalovun xarici ölkələrdə və respublikamızda çapdan çıxmış kitab və məqalələri barədə məlumat verilmişdir.
Tədbirdə rəsədxananın elmi işlər üzrə direktor müavini X.Mikayılov və başqaları çıxış edərək S.Zeynalovun həyat və yaradıcılığının ayrı-ayrı məqamlarından söhbət açmış, onunla bağlı xatirələrini bölüşmüşlər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video