12 Sentyabr 2014 12:09
845
Turizm
A- A+

Alman mütəxəssisləri Azərbaycanın biznes turizm potensialını öyrənir

Mədəniyyət və Turizm Nazirliyinin dəstəyi ilə fəaliyyət göstərən Azərbaycan Konqreslər Bürosu Almaniyanın biznes turizm təmsilçilərini ölkəmizin turizm potensialı və investisiya imkanları ilə tanış edib.

Azərbaycan Konqreslər Bürosu və Mədəniyyət və Turizm Nazirliyinin Almaniyada turizm nümayəndəliyi olan “Aviareps Tourism GmbH” şirkətinin dəstəyi ilə ölkəmizdə tanışlıq səfərində olan alman nümayəndə heyətinin tərkibinə bu ölkənin aparıcı MİCE (biznes turizm) bazarı iştirakçıları və media nümayəndələri daxil idi.
Mədəniyyət və Turizm Nazirliyinin mətbuat xidmətindən AzərTAc-a bildirilib ki, media nümayəndələri Avropanın səyahət və turizm üzrə ixtisaslaşan əsas nəşrləri - ICJ magazine və CIM-i təmsil edirdi. Səfər zamanı nümayəndə heyəti Azərbaycanın adət-ənənələri və ölkədə biznes turizminin inkişafı üçün yaradılan şərait haqqında məlumatlandırılıb.
Səfər çərçivəsində almaniyalı qonaqlar “İçərişəhər” Dövlət Tarix-Memarlıq Qoruğu, “Şirvanşahlar saray kompleksi” tarix-memarlıq abidəsi, Qobustanı Dövlət Tarix və Bədii Qoruğu, “Qala” Dövlət Tarix-Etnoqrafiya Qoruğu, Heydər Əliyev Mərkəzi və digər tarixi və müasir məkanları gəzərək Azərbaycanı daya yaxından tanımaq imkanı əldə ediblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video