jpg-1713653616.jpg)
2020-ci il fevralın 9-da keçirilmiş Azərbaycan Respublikasının Milli Məclisinə seçkilərdə Mərkəzi Seçki Komissiyasına daxil olmuş 24 fevral 2020-ci il tarixli 396, 402, 403 və 405 saylı müraciətlərə baxılması barədə Azərbaycan Respublikası Mərkəzi Seçki Komissiyasının QƏRARI
2020-ci il fevralın 9-da keçirilmiş Azərbaycan Respublikasının Milli Məclisinə (Milli Məclis) seçkilərdə 41 saylı Sumqayıt birinci seçki dairəsi üzrə qeydə alınmış namizədlər Süleymanlı Sərvər Süleyman oğlu, Rəhimli Murad İlqar oğlu, Xəlilov Vüqar Qərib oğlu və Nəbiyev Emin Tofiq oğlu 2020-ci il fevralın 24-də ayrı-ayrılıqda Azərbaycan Respublikasının Mərkəzi Seçki Komissiyasına (Mərkəzi Seçki Komissiyası) yazılı müraciət edərək həmin seçki dairəsi dairə seçki komissiyasının (dairə seçki komissiyası) 18 fevral 2020-ci il tarixli 19/61, 19/62, 19/63 və 19/64 saylı qərarlarını mübahisələndirmiş və seçki dairəsi üzrə seçkilərin nəticələrinin etibarsız sayılması barədə qərar qəbul olunmasını xahiş etmişlər.
Müraciətlər eyni məzmunlu və eyni seçki dairəsinə aid olduğundan bir icraatda birləşdirilmişdir.
Şikayət Azərbaycan Respublikası Seçki Məcəlləsinin 112-ci, 112-1-ci maddələrinə və "Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat”a uyğun olaraq Mərkəzi Seçki Komissiyasının nəzdində ekspert qrupunun üzvləri tərəfindən icraata qəbul edilmiş, araşdırılaraq bu barədə birgə rəy verilmiş və Komissiyanın iclasında baxılmışdır.
Namizədlər S.S.Süleymanlı, M.İ.Rəhimli, V.Q.Xəlilov, və E.T.Nəbiyev müraciətlərində səsvermə günü və səslərin sayılmasında 41 saylı Sumqayıt birinci seçki dairəsinin 3, 5, 6, 7, 10, 12, 13, 14, 15, 18, 19, 21, 22, 23 və 29 saylı seçki məntəqələrində eyni xarakterli pozuntular olduğunu iddia edərək həmin seçki məntəqələri üzrə səsvermənin nəticələrinin etibarsız hesab edilməsini və seçki dairəsi üzrə seçkilərin etibarsız sayılmasını, həmçinin dairə seçki komissiyasına eyni məzmunlu müraciətləri ilə bağlı qəbul olunmuş qərarının ləğvini xahiş etmişlər. Namizədlər müraciətlərini əsaslandırmaq üçün hər bir şikayətə bir ədəd elektron məlumat daşıyıcısı təqdim etmişlər.
Araşdırma ilə bağlı müraciət etmiş namizədlərlə əlaqə saxlanılmış, araşdırma və iclasda iştirak etmək, həmçinin digər hüquqlarının olması izah edilmişdir.
Dairə seçki komissiyasından mübahisələndirilən qərarın çıxarılması üçün əsas olmuş sənədlər, mübahisələndirilən seçki məntəqələrində müşahidə aparmış müşahidəçilərdən, komissiya üzvlərindən və digər seçki subyektlərindən alınmış izahatlar alınaraq araşdırma materiallarına əlavə edilmiş və təkrarən araşdırılmışdır.
Dairə seçki komissiyası qərarlarını onunla əsaslandırmışdır ki, səsvermə başlandığı andan sona çatanadək, həmçinin səslər sayılarkən və məntəqə seçki komissiyasının yekun protokolu tərtib edilərkən dairə seçki komissiyasına və mübahisələndirilən seçki məntəqələrinin məntəqə seçki komissiyalarına heç bir yazılı və ya şifahi müraciət daxil olmamışdır. Araşdırma ilə əlaqədar namizədlərin mübahisələndırdiyi 1-33 saylı məntəqə seçki komissiyalarının üzvlərinin, həmin gün seçki məntəqələrində səsvermə prosesini müşahidə etmiş müşahidəçilərin izahatları ilə iddia edilən qanun pozuntuları təsdiqini tapmamışdır.
Namizədlərin müraciətinin araşdırılması ilə əlaqədar səsvermə günü və sonrakı günlərdə sosial şəbəkələrdə yayımlanmış görüntülərə baxış keçirilərək müəyyən edilmişdir ki, həmin seçki dairəsinin 6 saylı seçki məntəqəsində namizədin müdaxiləsi nəticəsində baş verməsi iddia edilən pozuntu səsvermənin nəticələrinə təsir edə biləcək pozuntu olmamışdır. Eyni zamanda seçki məntəqələrində quraşdırılmış veb-kameraların görüntülərinə, həmçinin müraciətlərə əlavə edilmiş dörd ədəd elektron məlumat daşıyıcısına və seçki məntəqələri üzrə səsvermənin nəticələrinə dair protokollara baxış keçirilmiş, pozuntu halları müəyyən edilməmişdir.
Aparılmış araşdırmanı məcmu şəkildə qiymətləndirilərək müəyyən edilir ki, seçki dairəsi üzrə qeydə alınmış namizədlər S.S.Süleymanlı, M.İ.Rəhimli, V.Q.Xəlilov, və E.T.Nəbiyevin müraciətlərinin təmin edilməməsi barədə dairə seçki komissiyası düzgün nəticəyə gəlmişdir. Təkrar araşdırma ilə müraciətlərin təmin edilməsi və dairə seçki komissiyasının qərarlarının ləğv edilməsi üçün hüquqi əsaslar yaranmamışdır.
Yuxarıda göstərilənləri əsas götürərək, Mərkəzi Seçki Komissiyası Seçki Məcəlləsinin 19.4-cü, 112-ci, 112-1-ci, maddələrinə və "Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat”ın 1-ci, 2-ci, 4-cü, 6-cı və 7-ci hissələrinə əsasən qərara alır:
1. 2020-ci il fevralın 9-da keçirilmiş Milli Məclisə seçkilərdə 41 saylı Sumqayıt birinci seçki dairəsi üzrə qeydə alınmış alınmış namizədlər Süleymanlı Sərvər Süleyman oğlu, Rəhimli Murad İlqar oğlu, Xəlilov Vüqar Qərib oğlu və Nəbiyev Emin Tofiq oğlunun 24 fevral 2020-ci il tarixli 396, 402, 403 və 405 saylı müraciətləri təmin edilməsin, həmin seçki dairəsi dairə seçki komissiyasının 18 fevral 2020-ci il tarixli 19/61, 19/62, 19/63 və 19/64 saylı qərarları dəyişdirilmədən saxlanılsın.
2. Bu Qərar dərc edildiyi gündən qüvvəyə minir.
Sədr Məzahir Pənahov
Katib Arifə Muxtarova
Katib Mikayıl Rəhimov
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Prezidentlər İlham Əliyev və Sadır Japarov Ağdamda Şahbulaq qalasında olublar YENİLƏNƏCƏK ...
14:35
25 Aprel
25 Aprel
Türk dövlətləri parlamentlərinin Xarici əlaqələr komitələri sədrlərinin ikinci iclası Türkiyədə keçi...
14:34
25 Aprel
25 Aprel
Yaylaqlara köç edəcək fermerlər üçün mina təhlükəsizliyi ilə bağlı təlimlər başa çatıb ...
14:32
25 Aprel
25 Aprel
Vergi orqanlarına vətəndaş müraciətlərinin sayı azalıb
14:32
25 Aprel
25 Aprel
Qırğız parlamentarisi: Türk dövlətləri arasında əlaqələr intensivləşir
14:31
25 Aprel
25 Aprel
İİTKM-də türk dünyasının iqtisadi potensialının araşdırılması barədə özbək nümayəndə heyəti məlumatl...
14:29
25 Aprel
25 Aprel
Azərbaycan və Qırğızıstan prezidentləri Ağdam Konfrans Mərkəzi ilə tanış olublar YENİLƏNƏCƏK ...
14:28
25 Aprel
25 Aprel
Nazir: Bu ildən Azərbaycan qazının Macarıstana tam təchizatına başlanılıb
14:26
25 Aprel
25 Aprel
Azərbaycan üzgüçüsünün “Paris-2024”də iştirakı üçün Beynəlxalq Paralimpiya Komitəsinə müraciət olunu...
14:26
25 Aprel
25 Aprel
AQTA COP29-la bağlı keçirdiyi monitorinqdə 93 müəssisədə nöqsanlar aşkarlayıb
14:25
25 Aprel
25 Aprel
DİQQƏT ÇƏKƏNLƏR
10 Aprel 2024Şuşanın nurlu gecələ...
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
Video
