09 Avqust 2022 08:56
562
DÜNYA

Yer kürəsi Günəşdən uzaqlaşır

 

Alimlər hesab edirlər ki, Yerlə Günəş arasındakı məsafənin dəyişməsi iqlim dəyişikliyinə səbəb olacaq.

Planetimiz bir az elliptik orbitə malikdir, yəni o, Günəş ətrafında dairəvi dövrə vurmur. Orta hesabla Yerdən bizim ulduza qədər olan məsafə 150 milyon kilometrdir. Lakin planetimizin oval orbitinə görə bu məsafə il boyu daim dəyişir - 147 milyon kilometrdən 152 milyon kilometrə qədər. Eyni zamanda, Yerdən Günəşə olan orta məsafə yenə də artır, yəni planetimiz ulduzdan uzaqlaşır və bu, zamanla iqlim dəyişikliyinə gətirib çıxaracaq. “Bu barədə artıq narahat olmağa dəyərmi?” sualına ABŞ-ın Kaliforniya Universitetinin astronomu “Live Science” üçün yazdığı məqalədə cavab verir.

Santa Kruzdakı Kaliforniya Universitetinin astronomu Brayan DiCorcio hesab edir ki, Yerdən Günəşə olan orta məsafə tədricən artır.

AZƏRTAC xarici KİV-lərə istinadla xəbər verir ki, bu, Günəşin yavaş-yavaş kütləsini itirməsi, eləcə də iki kosmik cismin bir-birinə qarşılıqlı cazibə təsiri ilə bağlıdır.

“Günəşimizin, proqnozlara görə, təxminən 5 milyard il ömrü qalıb, lakin elə vaxt gələcək ki, ulduzumuz yavaş-yavaş ölməyə başlayacaq və ondan əvvəl Günəş öz kütləsinin təxminən 0,1 faizini itirəcək. Bu bir qədər az görünsə də, bu göstərici Yerdən 318 dəfə ağır olan Yupiterin kütləsi ilə müqayisə oluna bilər”, - deyə DiCorcio qeyd edib.

Alimin sözlərinə görə, Günəş artıq öz kütləsini itirməyə başlayıb və Günəşin cazibə qüvvəsi zəifləyir ki, bu da Yerin ulduzumuzdan ildə təxminən 6 sm uzaqlaşması deməkdir.

"Lakin hələlik buna görə narahat olmağa dəyməz, bu hələ çox kiçik uzaqlaşmadır", - deyə DiCorcio vurğulayıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video