22 Yanvar 2022 15:35
278
CƏMİYYƏT

Yaponiya səfiri Lerikə səfər edib

 

Yaponiyanın Azərbaycandakı fövqəladə və səlahiyyətli səfiri Vada Cüniçi Lerik rayonuna səfər edib.

AZƏRTAC-ın bölgə müxbiri xəbər verir ki, səfər çərçivəsində Lerik Rayon İcra Hakimiyyətində səfir Vada Cüniçi ilə görüş keçirilib. Görüşdə çıxış edən rayon icra hakimiyyəti başçısının səlahiyyətlərini icra edən Cəlil Baxşıyev yaponiyalı qonağa rayonun qədim tarixi, coğrafi mövqeyi, adət-ənənəsi, mədəniyyəti, əhalinin məşğulluğu haqqında məlumat verərək, rayonda aqrar bölmənin inkişafı istiqamətində həyata keçirilən tədbirləri, rayonun turizm potensialını və son illərdə görülmüş tikinti-quruculuq işlərini diqqətə çatdırıb.

Bildirilib ki, Yaponiya hökuməti Azərbaycanda “Ot köklərı və insan təhlükəsizliyi qrant yardımı proqramı” həyata keçirir. Bu proqram çərçivəsində Lerik şəhər 3 nömrəli tam orta məktəb üçün tədris korpusu, rayonun Şingədulan kəndində həkim məntəqəsi inşa edilib, Lerik Rayon Mərkəzi Xəstəxanasının uşaq xəstəlikləri şöbəsinin binası əsaslı təmir olunub, Pirasora və Conu kəndlərində tibb məntəqələri tikilərək istifadəyə verilib.

Rayonda görülmüş işlərə görə səfirin timsalında Yaponiya hökumətinə minnətdarlığını bildirən C.Baxşıyev yeni layihələrin icrasına ümidvar olduğunu bildirərək, 44 günlük Vətən müharibəsi zamanı Yaponiyanın ölkəmizə göstərdiyi dəstəyə və Qələbəmizin rəmzi olan “Xarı bülbül” döş nişanını sinəsində gəzdirdiyinə görə yaponiyalı diplomata minnətdarlığını ifadə edib.

Səfir Vada Cüniçi Yaponiya-Azərbaycan arasında ikitərəfli əməkdaşlığın getdikcə inkişaf etdiyini, Azərbaycanda gedən sosial-iqtisadi inkişafın onda xoş təəssürat oyatdığını, paytaxtla yanaşı, region şəhərlərinin də müasirləşdiyini, Lerikdə qarın yaratdığı füsunkar mənzərənin onda xoş əhval-ruhiyyə yaratdığını və burada olmasından məmnun qaldığını bildirib.

Vada Cüniçi iki ölkə arasında diplomatik əlaqələrin 30 illiyi münasibətilə 2022-ci ildə səfirlik tərəfindən bir sıra rəngarəng tədbirlərin keçiriləcəyini, gələcəkdə Lerikdə layihələrin icrasının davam etdiriləcəyini söyləyib.

Səfər çərçivəsində yaponiyalı diplomat Lerik şəhərindəki Uzunömürlülər Muzeyi ilə tanış olub, xatirə kitabına ürək sözlərini yazıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video