04 Iyul 2022 14:01
214
Səhiyyə

ÜST: Avropada meymunçiçəyi virusuna yoluxma riski yüksək olaraq qalır 

Avropada meymunçiçəyi virusuna yoluxma halları dünyada aşkarlanan yoluxmaların ümumi sayının təxminən 90 faizinə çatır və qitənin 31 ölkəsində qeydə alınıb.

AZƏRTAC xəbər verir ki, bu faktlar Ümumdünya Səhiyyə Təşkilatının (ÜST) Avropadakı regional direktoru Hans Klüqenin ÜST-nin saytında yerləşdirilən bəyanatında yer alıb. O, eyni zamanda qeyd edib ki, hazırda Avropa epidemiyanın mərkəzindədir və burada yoluxma riski yüksək olaraq qalır.

“Bu gün bir daha hökumətləri və vətəndaş cəmiyyətlərini meymunçiçəyinin yayılmasının qarşısını almaq üçün səyləri artırmağa çağırıram. Xəstəliyin yayılmasının qarşısını almaq üçün təcili və koordinasiya olunmuş tədbirlərə ehtiyac var”, - deyə Hans Klüqe bildirib.

Regional direktorun sözlərinə görə, bu günədək Avropada meymunçiçəyi xəstəliyi ilə əlaqədar ölüm halları barədə təşkilata məlumat daxil olmayıb: “Xəstəlik əsasən səpgi ilə müşayiət olunur və yoluxan hər dörd nəfərdən üçündə qızdırma, yorğunluq, qusma, ishal, həmçinin əzələ, boğaz və ya baş ağrıları kimi simptomlar müşahidə edilir”.

O, həmçinin ÜST-nin hazırda meymunçiçəyi epidemiyasını fövqəladə hal hesab etmədiyini, lakin yaxın gələcəkdə öz mövqeyinə yenidən baxa biləcəyini vurğulayıb.

Qeyd edək ki, indiyə qədər Afrikada meymunçiçəyi virusuna 1800-ə yaxın yoluxma və 70-dən çox ölüm halı qeydə alınıb. Həkimlər bunu həm də yeni virusdan qoruyan adi çiçək xəstəliyinə qarşı peyvəndin çatışmazlığı ilə izah edirlər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video