Ümumdünya Səhiyyə Təşkilatı: həftə ərzində dünyada koronavirus səbəbindən ölüm hallarının sayı 17 faiz azalıb
Ötən həftə ərzində dünyada 3,2 milyondan çox insan koronavirus infeksiyasına yoluxub (12 - 18 sentyabr), 10 minə yaxın insan ölüb. AZƏRTAC Ümumdünya Səhiyyə Təşkilatının həftəlik bülleteninə istinadla xəbər verir ki, xəstəliyə yoluxma hallarının sayı ötən yeddi günlə müqayisədə 2 faiz, ölüm hallarının sayı isə - 17 faiz azalıb.
Yoluxma hallarının sayının əhəmiyyətli dərəcədə azalması Afrika (35 faiz), Şərqi Aralıq dənizi regionu (14 faiz) və Amerikada (12 faiz) qeydə alınıb. Eyni zamanda, yoluxma hallarının sayı Qərbi Sakit Okean regionunda (3 faiz) artıb. Ölüm hallarının sayı əhəmiyyətli dərəcədə Şərqi Aralıq dənizi regionu (46 faiz), Afrika (27 faiz), Qərbi Sakit Okean regionu (27 faiz) və Avropada (22 faiz) azalıb.
ÜST-nin məlumatına görə, Yaponiya həftə ərzində ən çox - 605 919 xəstəliyə yoluxanlar barədə məlumat verib. Daha sonra ABŞ (395 117), Koreya Respublikası (389 579), Rusiya (372 485) və Çin (297 693) yer alıblar. ABŞ-da yeddi gün ərzində xəstəlikdən ən çox - 2 601 ölən qeydə alınıb. Ondan sonra Yaponiya (1 162), Rusiya (697), İspaniya (595) və Braziliya (487) qərarlaşıb.
Qeyd edək ki, dünyada koronavirusa təsdiqlənmiş yoluxma hallarının sayı 610 milyonu ötüb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Keçmiş məcburi köçkünlərin müraciətləri dinlənilib
25 Aprel
Türkiyənin “ASELSAN” şirkəti ixrac həcmini 1 milyard dollara çatdırmağı planlaşdırır ...
25 Aprel
Qırğızıstan Prezidenti Sadır Japarovun Azərbaycana dövlət səfəri başa çatıb
25 Aprel
Milli Məclisin sədri Türk Dövlətləri Parlamentlərinin Xarici Əlaqələr Komitələri sədrlərinin iclasın...
25 Aprel
Türkiyənin Kahramanmaraş Sütcü İmam Universiteti ilə Azərbaycan Tibb Universiteti arasında birgə elm...
25 Aprel
Fransızların çoxu Makronun Aİ qərarlarına real təsir göstərdiyinə inanmır
25 Aprel
Dəyişən iqlim şəraitində əməyin mühafizəsi ilə bağlı maarifləndirmə tədbirləri təşkil olunub ...
25 Aprel
Rusiya XIN: Moskva Azərbaycanla Ermənistan arasında dövlət sərhədinin delimitasiyasına gələcəkdə də ...
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNİB
25 Aprel
Azərbaycanın Milli Qəhrəmanı Albert Aqarunovun Şəhidlər xiyabanında xatirəsi anılıb
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!