UEFA Çempionlar Liqasının sonuncu turuna start verilib
Dekabrın 7-də futbol üzrə UEFA Çempionlar Liqasının sonuncu - 6-cı turun oyunlarına start verilib.
AZƏRTAC xəbər verir ki, ilk oyun gününə nəzərdə tutulan 8 qarşılaşma baş tutub.
B qrupunda səkkizdəbir finala yüksəlməsi dəqiqləşən İngiltərənin "Liverpul” klubu İtaliyada "Milan" üzərində əzmkar qələbə qazanıb - 1:2. Qrupun digər oyununda Portuqaliyanın "Portu" komandası evdə İspaniyanın "Atletiko Madrid” klubuna uduzub - 1:3. Bu nəticələrdən sonra Madrid klubu növbəti mərhələyə, Porto şəhərinin eyniadlı təmsilçisi UEFA Avropa Liqasının pley-offuna vəsiqə qazanıb. "Milan" isə avrokuboklarla vidalaşıb.
C qrupunda Türkiyənin "Beşiktaş" klubu Almaniyada "Borussiya"ya böyük hesabla uduzub - 0:5. Digər görüşdə isə qrup qalibi olan Niderlandın "Ayaks" klubu Portuqaliyanın "Sportinq" koamndasını üstələyib - 4:2.
A qrupunda “Paris Sen-Jermen” Fransada Belçikanın "Brügge" klubunu darmadağın edib - 4:1. Meydan sahiblərinin heyətində Kilian Mbappe və Lionel Messi dubl müəllifi olublar. Digər görüşdə isə İngiltərənin "Mançester Siti" klubu Almaniyada "Leyptsiq"in qonağı olub. Oyun Bundesliqa təmsilçisinin 2:1 hesablı qələbəsi ilə başa çatıb.
Bununla da A qrupunda mübarizəyə yekun vurulub. "Mançester Siti" qrupda ilk, “Paris Sen-Jermen” isə ikinci pilləni daha əvvəl təmin etdiyindən səkkizdəbir finala adlayıblar. "Leyptsiq" isə 3-cü yeri tutaraq, UEFA Avropa Liqasının pley-offunda oynamaq hüququ əldə edib.
Günün bütün görüşlərində aşağıdakı hesablar qeydə alınıb:
A qrupu
“Paris Sen-Jermen” (Fransa) – “Brügge” (Belçika) - 4:1;
“Leyptsiq” (Almaniya) – “Mançester Siti” (İngiltərə) - 2:1.
Qrupdakı vəziyyət: “Mançester Siti” - 12, “Paris Sen-Jermen” - 11, “Leyptsiq” - 7, “Brügge” - 4.
B qrupu
“Milan” (İtaliya) – “Liverpul” (İngiltərə) - 1:2;
“Portu” (Portuqaliya) – “Atletiko Madrid” (İspaniya) - 1:3.
Qrupdakı vəziyyət: “Liverpul” - 18, Atletiko Madrid” - 7, “Portu” - 5, “Milan” - 4.
C qrupu
“Borussiya Dortmund” (Almaniya) – “Beşiktaş” (Türkiyə) - 5:0;
“Ayaks” (Niderland) – “Sportinq” (Portuqaliya) - 4:2.
Qrupdakı vəziyyət: “Ayaks” - 18, “Sportinq” - 9, “Borussiya Dortmund” - 9, “Beşiktaş” - 0.
D qrupu
“Real Madrid” (İspaniya) – “İnter” (İtaliya) - 2:0;
“Şaxtyor Donetsk” (Ukrayna) – “Şerif” (Moldova) - 1:1.
Qrupdakı vəziyyət: “Real Madrid” - 15, “İnter” - 10, “Şerif” - 7, “Şaxtyor” - 2.
Qeyd edək ki, indiyədək “Mançester Siti”, “Paris Sen-Jermen”, “Liverpul”, “Ayaks”, “Sportinq”, “Real Madrid” və “İnter”lə yanaşı, Almaniyanın “Bavariya”, İtaliyanın “Yuventus”, İngiltərənin “Mançester Yunayted” və “Çelsi” klubları vaxtından əvvəl səkkizdəbir finala yüksəliblər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Husilər tərəfindən iki ticarət gəmisi və bir Amerika esminesi hücuma məruz qalıb
25 Aprel
Bakıda Rusiya Kinosu Günlərinin təntənəli açılış mərasimi olub
24 Aprel
Türkiyə XİN 1915-ci il hadisələri ilə bağlı bəyanat yayıb
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
24 Aprel
Azərbaycan Prezidentinin xüsusi tapşırıqlar üzrə nümayəndəsi BBC radiosuna müsahibə verib...
24 Aprel
Üzgüçülük üzrə açıq Azərbaycan çempionatı start götürüb
24 Aprel
XİN: Azərbaycan BMT-nin insan hüquqları sahəsində müvafiq müqavilə qurumları ilə əməkdaşlığa böyük ö...
24 Aprel
Qırğız Mədəniyyəti Günləri çərçivəsində Heydər Əliyev Mərkəzində sərgi açılıb
24 Aprel
Azərbaycan Kuboku: “Qarabağ” “Neftçi”ni cavab oyununda da məğlub edərək finala yüksəlib...
24 Aprel
Bakıda Qırğız Mədəniyyəti Günlərinin açılış mərasimi olub
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!