“Stars and Stripes” nəşri: “Cənubi Qafqazda gərginlik beynəlxalq insidentə gətirib çıxaracaqmı?”
Amerikada çıxan “Stars and Stripes” nəşrində beynəlxalq münasibətlər üzrə ekspert, Baltimor Universiteti yanında İctimai və Beynəlxalq Münasibətlər Məktəbinin icraçı direktoru İvan Saşa Şixanın “Cənubi Qafqazda gərginlik beynəlxalq insidentə gətirib çıxaracaqmı?” sərlövhəli məqaləsi dərc edilib.
AZƏRTAC xəbər verir ki, erməni təcavüzündən bəhs edilən bu materialda ekspert Ermənistan-Azərbaycan sərhədində bu yaxınlarda baş vermiş eskalasiyanı və üçüncü ölkələrin vasitəçilik səylərini təhlil edib. Müəllif Onun yazır ki, ABŞ Dövlət katibi Entoni Blinken Nyu-Yorkda BMT-nin Baş Assambleyasındakı çıxışında “bu problemin həllinin hamı üçün ən yaxşı variantı güclü, davamlı diplomatik qarşılıqlı fəaliyyətdən” ibarət olmasını vurğulayaraq, bütün tərəfləri danışıqlar masası arxasına qayıtmağa çağırıb.
Şixan yazır ki, Azərbaycan ilə Ermənistan arasında müharibə 30 il bundan əvvəl, Ermənistan Azərbaycanın Qarabağ bölgəsini işğal edən vaxt başlayıb. BMT Təhlükəsizlik Şurasının erməni qoşunlarının bu hərəkətlərini pisləyən qətnamələr qəbul etsə də, Ermənistan beynəlxalq hüquqa etinasızlıq göstərərək 30 il ərzində Azərbaycan ərazilərinin işğalını davam etdirib. Bu işğala iki il bundan əvvəl son qoyulub – Azərbaycan özünün beynəlxalq miqyasda tanınmış əraziləri üzərində nəzarəti bərpa edib.
Sülhün bərpasına yönəlmiş səylərin gedişində danışıqlar aparılır. Bu il avqustun 31-də Brüsseldə qəbul edilmiş bəyanatda iki ölkənin nazirləri sentyabrın sonuna qədər sülh sazişinin mətninin müzakirə edilməsi üçün görüşmək barədə razılığa gəliblər. Ekspert yazır ki, Azərbaycan Prezidenti İlham Əliyev bu prosesdə özünü kifayət qədər inamlı hiss edirdi. Lakin bu proses sabotaja məruz qalıb. Sonuncu eskalasiya dövründə Ermənistan Rusiyaya, Kollektiv Təhlükəsizlik Müqaviləsi Təşkilatına (KTMT) və BMT Təhlükəsizlik Şurasına müraciətlə onların bu məsələyə müdaxilə etmələrini xahiş edib. Eyni zamanda, İranda bəzi rəsmi şəxslər tviter şəbəkəsində “Ermənistanın ərazi bütövlüyünü” dəstəklədiklərini yazıblar.
KTMT hələlik təmkinli mövqe tutur. Altı ölkənin qarşılıqlı müdafiəsi üçün nəzərdə tutulan bu hərbi orqanda Rusiya üstünlük təşkil edir. Bir neçə keçmiş sovet respublikasının daxil olduğu KTMT münaqişəyə Ermənistanın tərəfində müdaxilə edə bilərdi. Məqalədə qeyd edilir ki, əgər Ermənistanın suveren ərazisi hücuma məruz qalarsa, blok bunu etməyə borclu olardı. Lakin münaqişənin Azərbaycanın beynəlxalq miqyasda tanınmış ərazisində baş verdiyini nəzərə alsaq, Yerevanın dəstək üçün KTMT-yə müraciət edərkən hansı təsir vasitələrinə malik olmasını anlamaq çətindir. Bugünkü vəziyyətdə təşkilatın bəyanatları münaqişənin hərbi yolla həlli perspektivini nəzərəçarpacaq dərəcədə inkar edir və diplomatik yol göstərir.
Şixan öz məqaləsində daha sonra ABŞ Konqresinin bəzi üzvlərinin, məsələn ermənipərəst konqresmen Adam Şiffin və Nümayəndələr Palatasının spikeri Nensi Pelosinin Azərbaycana qeyri-adekvat münasibət göstərmələrinə diqqəti cəlb edir. Müəllif yazır: “Əgər Nümayəndələr Palatasındakı demokratlar konstruktiv nəticəyə malik olmaq istəyirlərsə, onlar Ermənistanın hərəkətlərini dəstəkləmələrinə yenidən baxmalıdırlar. Rusiya və İran ilə ittifaq o qədər də yaxşı görünmür. Bu, münaqişənin dinc yolla nizamlanmasına gətirib çıxarmayacaq”.
Məqalənin sonunda deyilir: “Blinken əmindir ki, Ermənistan ilə Azərbaycan arasında fikir ayrılıqlarını tənzimləyəcək möhkəm sülh yolu var. Bu əminlik alqışa layiqdir, lakin münaqişənin həlli yolu aydın deyil. Şübhə yoxdur ki, əgər ABŞ-dakı rəsmilər birləşərək hər iki tərəfin döyüş əməliyyatlarını dayandırmasını və sülh danışıqlarına qayıtmasını dəstəkləməsələr, heç şübhəsiz, Yerevan ilə Bakı arasında gərginliyin artacağı gözlənilir”.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Türkiyə Qəzzaya növbəti humanitar yardım gəmisi göndərib
28 Mart
“İnsanlıq əleyhinə cinayət: soyqırımı siyasəti, tarixi həqiqətlər və faktlar” mövzusunda konfrans ke...
28 Mart
Taksi fənərləri ilə bağlı tələb müəyyənləşib
28 Mart
Qərbi Azərbaycan yallıları ilə bağlı kitabın təqdimatı olub
28 Mart
Buraxılış tarixi on beş ildən çox olan avtomobillər taksi kimi fəaliyyət göstərə bilməyəcəklər...
28 Mart
“The Nation” qəzeti: ABŞ söz və fikir azadlığını qoruduğunu bildirir, lakin jurnalistlərin qətlinin ...
28 Mart
Türkiyə Silahlı Qüvvələri son bir həftədə 38 terrorçunu zərərsizləşdirib
28 Mart
Korsikanın muxtariyyətinə dair qanun layihəsi qəbul olundu, deputat etiraz etdi: Bu, buxovdur
28 Mart
Beynəlxalq ekspert: COP29 Azərbaycanın iqtisadi mövqeyini gücləndirməsi üçün strateji fürsətdir...
28 Mart
Mahmud Abbas yeni hökumətin tərkibini təsdiqləyib
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!