Şəhid anası: Oğlumun kiçik ürəyində böyük Vətən sevgisi var idi
Vətən müharibəsi şəhidi Şəmsəddin Vəliyevin ad günündə xatirəsi anılıb. Şəmsəddin hələ ömrünün 19-cu ilində canını Vətən üçün fəda etdi. Yaşasaydı, ömrünün 22-ci baharına qovuşacaqdı. Lakin o, Vətəni üçün şəhid olaraq qəhrəmanlıq dastanına çevrildi.
AZƏRTAC-ın bölgə müxbiri xəbər verir ki, Vəliyev Şəmsəddin Aqil oğlu 2001-ci il yanvar ayının 22-də Sabirabadın Dadaşbəyli kəndində dünyaya göz açıb.
Şəhidin anası Könül Vəliyeva deyir ki, Şəmsəddinin kiçik ürəyində böyük Vətən sevgisi var idi. Hələ uşaq yaşlarından vətənpərvərliyi və qorxmazlığı ilə seçilirdi. Yaşa dolduqca Vətən sevgisi daha da artan Şəmsəddin gələcəkdə hərbçi olmağı arzu edirdi. Onu bu yola yönəldən isə Birinci Qarabağ döyüşlərində canını Vətən üçün fəda edən əmisinin qəhrəmanlığı idi. Orta məktəbi əla qiymətlərlə oxuyan Şəmsəddin kollec tələbəsi adını qazansa da, həqiqi hərbi xidməti vaxtı təhsilini dayandıraraq, xidmətə ruh yüksəkliyi ilə yollandı. Fiziki qabiliyyəti və istedadı sayəsində Şəmsəddin xüsusi təyinatlı birliyə seçildi. O, xidmətini layiqincə bitirdikdən sonra müddətdən artıq hərbçi kimi Vətənin keşiyində dayanmağa qərar verdi.
Vətən müharibəsində də Şəmsəddin ilk döyüşə girənlər sırasında yer alır. Şəhidin döyüş yolundan qürurla danışan atası Aqil Vəliyev bildirir ki, Şəmsəddin və döyüşçü yoldaşları bir çox uğurlu tapşırıqlarda iştirak ediblər: “Füzulidən Xocavəndə qədər döyüş yolu keçən Şəmsəddin əsl qəhrəmanlıq nümayiş etdirib. Oğlum sonuncu dəfə gərgin döyüşlər zamanı düşmənin 14 nəfərdən ibarət qrupunu qumbaraatanla məhv edib”.
Onun sonuncu döyüş yeri Tuğ kəndi istiqamətində olub. Oktyabrın 22-də qəhrəmancasına döyüşərək şəhidlik zirvəsinə ucalıb.
Şəmsəddin Vəliyev döyüşlərdə göstərdiyi şücaətə görə ölümündən sonra “Vətən uğrunda”, “Döyüşlərdə fərqlənməyə görə”, “Füzulinin azad olunmasına görə”, “Xocavəndin azad olunmasına görə”, “Şuşanın azad olunmasına görə” medalları ilə təltif edilib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
İlin ilk üç ayında ARDNF-in aktivləri 2,3 faiz artıb
19 Aprel
“G7-nin açıq-aşkar ayrı-seçkiliyə yol verməsi insan hüquqlarına ziddir” – BƏYANAT
19 Aprel
Ümumi (9 illik) orta təhsil səviyyəsi üzrə keçirilən buraxılış imtahanının nəticələri açıqlanıb...
19 Aprel
Venesiya Biennalesində Azərbaycan pavilyonunun açılışı olub
19 Aprel
Energetika naziri: Bu il Azərbaycanda daha 5 günəş-külək stansiyasının inşasına başlanacaq...
19 Aprel
Bakıda bədii gimnastika üzrə Dünya Kubokunun açılış mərasimi olub
19 Aprel
Dövlət Agentliyinin İdarə Heyətinin sədri Daşkəsən və Göygöl rayon sakinlərinin müraciətlərini dinlə...
19 Aprel
EMTA ETRA ilə birgə Bakıda beynəlxalq seminar təşkil edib
19 Aprel
Azərbaycan və Qazaxıstan Xəzər dənizinin dibi ilə fiber-optik rabitə xəttinin çəkilməsini müzakirə e...
19 Aprel
Milli Məclisdə 14 məsələ müzakirə olunub, müvafiq qərarlar verilib YENİLƏNİB
19 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!