16 May 2022 13:34
619
DÜNYA
A- A+

Rusiyada “Moskviç” avtomobillərinin yenidən istehsalına başlanacaq

Rusiyanın paytaxtı Moskvada “Moskviç” avtomobillərinin yenidən istehsalına başlanacaq.

AZƏRTAC xəbər verir ki, bu barədə Moskva meri Sergey Sobyanin şəxsi bloqunda yazıb.

O bildirib ki, Moskvandakı “Renault” zavodu şəhərin balansına keçib və orada “Moskviç” brendi altında avtomobillər buraxılacaq.

Əsas tərəfdaşı “Kamaz” konserni olacaq zavodda ilkin mərhələdə yanacaqla işləyən, sonradan isə elektrik avtomobillərinin istehsalı planlaşdırılır.

Qeyd edək ki, “Renault Rusiya” zavodunun səhmləri Moskva hökumətinə, “Avtovaz” konsernindəki payı isə Mərkəzi Avtomobil və Avtomobil Mühərrikləri Elmi Tədqiqat İnstitutuna verilib.

“Renault” şirkəti bu il fevralın 28-də logistik zəncirin pozulmasını səbəb gətirərək Moskva zavodunda fəaliyyətini dayandırmaq barədə qərar verib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video