19 Yanvar 2022 18:53
338
CƏMİYYƏT
A- A+

Qars şəhərində 20 Yanvar şəhidlərinin xatirəsi anılıb  

Türkiyənin Qars şəhərində fəaliyyət göstərən Qafqaz Universitetində 20 Yanvar faciəsinin 32-cü ildönümü ilə əlaqədar anım mərasimi keçirilib.

AZƏRTAC xəbər verir ki, Azərbaycanın Qarsdakı baş konsulluğunun tərəfindən təşkil olunan mərasimdə diplomatlar, yerli hakimiyyət orqanlarının və siyasi partiyaların təmsilçiləri, eləcə də qardaş ölkədə yaşayan, təhsil alan və çalışan soydaşlarımız iştirak ediblər.

İştirakçılar əvvəlcə ulu öndər Heydər Əliyevin Qars şəhərindəki abidəsi önünə tər çiçəklər düzüb, xatirəsinə dərin ehtiramlarını ifadə ediblər.

Sonra Azərbaycan və Türkiyənin Dövlət himnləri səsləndirilib, şəhidlərimizin əziz xatirəsi bir dəqiqəlik sükutla yad edilib, ruhlarına dualar oxunub.

Faciənin dəhşətlərini əks etdirən filmin nümayişindən sonra Azərbaycanın Qarsdakı baş konsulu Nuru Quliyev, Ədalət və İnkişaf Partiyasının Qars vilayət təşkilatının rəhbəri Adəm Çalkın və Qars Qafqaz Universitetinin müəllimi Könül Quliyevanın çıxışları dinlənilib.

Çıxışlarda 32 il əvvəl Azərbaycan xalqına qarşı törədilən qanlı cinayətin təfərrüatından danışılıb. Diqqətə çatdırılıb ki, faciənin səhəri gün Azərbaycanın Moskvadakı daimi nümayəndəliyinə gələn ümummilli lider Heydər Əliyev bütün təhlükələrə sinə gərərək xalqımıza qarşı bu ağır cinayəti törədənləri kəskin ittiham edib. Məhz Ulu Öndərimizin təkidi ilə 20 Yanvar hadisələrinə 1994-cü ildə ilk dəfə siyasi-hüquqi qiymət verilib.

Çıxışlarda Azərbaycan-Türkiyə qardaşlıq münasibətlərinə də geniş yer verilib. Əminliklə vurğulanıb ki, iki qardaş ölkənin və xalqın doğma münasibətləri əbədiyyətə qədər davam edəcək.

Sonda iştirakçılar AZƏRTAC-ın arxivindəki fotolardan ibarət olan və 20 Yanvar faciəsinin dəhşətlərini əks etdirən sərgi ilə tanış olublar.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video