11 Avqust 2022 00:41
209
İQTİSADİYYAT

Qarğıdalı sahələrində məhsul boldur

 

Ötən il Qaxda fermerlər 1516 hektarda qarğıdalı yetişdirmişlər. Rayon üzrə hektardan məhsuldarlıq 78,2 sentner olmuşdur. 
Fermerlərdən Yavər Nurməmmədov hektardan 100, Nikola Aslamazaşvili 90, Novruz Manafov 80 sentner məhsul əldə etmişlər.
Bu il fermerlər 1556 hektar sahədə dənlik qarğıdalı əkmişlər. Sahələrdə məhsul boldur. Uzun illər qarğıdalı əkib-becərməklə  məşğul olan fermer Yavər Nurməmmədov deyir ki, bu il ötən ildəkindən daha çox məhsul götürəcək: "Sahələrdə bütün aqrotexniki xidmət işlərini vaxtında görmüşük. Həm də hava şəraiti qarğıdalı üçün çox əlverişli keçib. İnanıram ki, bu il hektardan 150 sentner məhsul götürəcəm. Bu isə ailə büdcəmi və təsərrüfatımı genişləndirməyə yeni imkanlar verəcək".
Qax Dövlət Aqrar İnkişaf Mərkəzinin bitkiçilik sektorunun müdiri Eyvaz Aslanov bildirib ki, sahələrdə gözlədiklərindən daha çox məhsul var: "Bu il qarğıdalı sahələrində  son illərin ən yüksək göstəricisini əldə edəcəyik. Güman edirik ki, rayonda orta hesabla hektardan ən azı 80 sentner məhsul toplanacaq".

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video