11 Avqust 2022 15:00
1193
Səhiyyə
A- A+

Parafinlə aparılan müalicənin faydası

Müasir dövrdə parafin osteoxondroz, oynaq və bel ağrıları tənəffüs sistemi xəstəliklərinin müalicəsində istifadə olunur. Tərkibində kimyəvi maddələr olmayan parafin dərini nəmləndirir və hamarlaşdırır. Prosedur yalnız əridilmiş parafinlə aparılır. Maye halını aldıqdan sonra dəriyə sürtülür və tez zamanda quruyur. Hava keçirmədiyinə görə dəriyə istilik verir, qan dövranını gücləndirir və dərini daha da elastikləşdirir.

AZƏRTAC xəbər verir ki, həkim-fitoterapevt Fizuli Hüseynov deyib: “Şam formasında olan parafin əridilir və əriyəndən sonra kürək nahiyəsinə çəkilir. Onun boyun və onurğa üçün çox böyük faydası var. Parafin qan dövranını yaxşılaşdırır, əzələni yumşaldır. Osteoxondroz zamanı xüsusilə yaxşı təsir göstərir, dirsəklərdə və diz qapaqlarındakı iltihabı aradan qaldırır”.

Parafindən istifadə edilməsi proseduru təxminən yarım saat davam edir. Onun çəkilməsi məhv olmuş hüceyrələri aradan götürür və dərini canlandırır. “Parafin sürtüləndən sonra xəstənin üstü örtülür, işığa verilir, 10-15 dəqiqə qalandan sonra bədən yumşalır, bundan sonra edilən masaj çox rahatlıq verir. Osteoxondroz, boyun ağrısı, bel ağrısı və duzlaşma olduqda masajdan sonra onun üzərindən yenə müalicə proseduru aparılır”,- deyə həkim-fitoterapevt bildirib.

İstənilən nəticənin əldə edilməsi üçün müalicə proseduru azı 10 gün davam etməlidir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video