Texnoloji inkişaf maliyyə əməliyyatlarında istifadə olunan plastik bank kartlarının meydana çıxmasına səbəb olub. Bank kartları bütün pul formalarından əhəmiyyətli dərəcədə istifadə kimi üstünlüklər təklif edir: onlar kiçik ölçülüdür, asanlıqla daşına bilir, təhlükəsizdir və özlüyündə heç bir maddi dəyəri yoxdur. Sadalananlar kifayət edir ki, artıq nağd pul əvəzinə plastik kartlardan istifadə edəsən.

Tarixçilər qeyd edirlər ki, hələ 5 min əvvəl mesopotamiyalılar ticarət əlaqələrində möhürlənmiş gil lövhələrdən istifadə ediblər. Bu da nağdsız mübadilə ilə bağlı ən qədim faktdır.

İlk bank ödəniş kartı ideyası “Diners Club” adlı maliyyə şirkətinin həmtəsisçisi Frank McNamara tərəfindən 1950-ci ildə irəli sürülmüşdü. O, müştəriləri ilə yemək yeyərkən pul kisəsini digər kostyumunun cibində unutduğunu bilib və xanımı hesabı ödəməli olub. Bu hadisə nəticəsində onun ağlına belə hallarla qarşılaşa biləcəyin təqdirdə ödəniş kartının xilasedici variant olacağı gəlib. Bu ideyanı restoran sahibi və müvafiq şəxslərlə bölüşdükdən sonra onun sonrakı hesablarını karton ödəniş kartı və imzadan istifadə edərək ödəyə bildiyi deyilir.

Bundan sonra McNamara vəkili ilə birlikdə 1,5 milyon dollar ilkin kapitalla “Diners Club International” şirkətini qurub. İlkin konsepsiya Nyu York şəhərinin ətrafındakı restoranlarda ödəniş vasitəsi kimi istifadə oluna biləcək kart hazırlamaq idi. Lakin daha sonra kartın istifadəsi hotellər, avtomobil kirayələri və gül mağazalarında da keçərli olub.

Əvvəlcə şirkət öz kartlarını tanınmış iş adamlarına təklif etməklə müştəri bazasını yaradıb. Daha bir genişmiqyaslı addımla “American Express” şirkəti tərəfindən 1858-ci ildə karton kartlar, bir il sonra isə ilk plastik nümunələr təqdim edilib. Birinci lisenziyalı milli kredit kartını isə Bank of Amerika “Bank Americard” adı ilə istifadəyə verib. Kart beynəlxalq miqyasda məşhurlaşdığı üçün sonradan “Visa” formasında yenidən adlandırılıb. 1966-cı ildə isə ölkənin ən qabaqcıl ikinci kartı olan “Mastercard” meydana çıxaraq “Visa” ilə böyük rəqabət aparıb.