25 Iyun 2022 23:01
617
CƏMİYYƏT
A- A+

Müdafiə Nazirliyinin Bakı Qarnizonundakı “N” saylı hərbi hissəsində Silahlı Qüvvələr Gününə həsr olunmuş tədbir keçirilib

 

Müdafiə Nazirliyinin Bakı Qarnizonunda yerləşən “N” saylı hərbi hissəsində Veteran Tankçılar İctimai Birliyi və Dağ Yəhudiləri Dini İcmasının birgə təşkilatçılığı ilə 26 İyun - Silahlı Qüvvələr Gününə həsr olunmuş tədbir keçirilib.

AZƏRTAC xəbər verir ki, Azərbaycan Ordusunun yaranmasının 104-cü ildönümünə həsr olunmuş tədbirdə hərbi hissənin şəxsi heyəti, Veteran Tankçılar İctimai Birliyinin sədri Hacı Əzimov, veteran tankçılar, Milli Dəyərlərin Təbliği Fondunun nümayəndəsi Elgiz İmanlı, bir qrup şəhid ailəsi və başqa qonaqlar iştirak ediblər.

Əvvəlcə tədbir iştirakçıları hərbi hissənin ərazisində şəhidlərin xatirəsinə yaradılan abidənin önünə tər qərənfillər düzüblər. Azərbaycanın suverenliyi, müstəqilliyi və ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla anıldıqdan sonra Dövlət Himni səsləndirilib.

Tədbirdə çıxış edənlər Müzəffər Ali Baş Komandanın rəhbərliyi ilə başlayan əks-hücum əməliyyatlarında - 44 Vətən müharibəsində rəşadətli Azərbaycan Ordusunun peşəkar, vətənpərvər, yüksək döyüş hazırlığına malik zabit və əsgərlərin qəhrəmanlığından, igidliyindən geniş söhbət açaraq dövlətimizin başçısının diqqət və qayğısı sayəsində ölkənin müdafiə qüdrətinin gündən-günə artırılmasını xüsusi vurğulayıblar. Bildirilib ki, Azərbaycan Ordusu regionun ən qüdrətli ordusu hesab olunmaqla, eyni zamanda, bu gün dünyanın da güclü orduları sırasında dayanır. Prezident, Silahlı Qüvvələrin Müzəffər Ali Baş Komandanı İlham Əliyevin müdrik və uzaqgörən siyasəti, yüksək idarəçilik, diplomatik bacarığı, qətiyyətli addımları nəticəsində və rəşadətli Azərbaycan Ordusunun gücü sayəsində otuz ilə yaxın müddətdə erməni silahlı birləşmələrinin işğal etdiyi tarixi torpaqlarımız azadlığına qovuşub. Xalq, Dövlət, Ordu birliyi böyük Zəfərə yol açıb. Bu gün dövlətimizin başçısının rəhbərliyi ilə əməksevər xalqımız işğaldan azad olunmuş ərazilərdə yenidənqurma və bərpa-quruculuq işlərini ən yüksək səviyyədə həyata keçirir.

Birinci Qarabağ müharibəsində şəhid olan Azərbaycanın Milli Qəhrəmanı Əsəd Əhmədovun bacısı Nərgiz xanım, şəhid tankçı Nazim Allahverdiyevin qızı Günay Allahverdiyeva çıxış edərək zabit və əsgərlərimizin qəhrəmanlığı və igidliyi sayəsində şəhidlərimizin qisasının alındığını və erməni işğalçılarını məhv edildiyini deyiblər.

“Dədə Qorqud” Milli Fondunun prezidenti Eldar İsmayılov hərbi hissənin komandiri Firdovsi Bəyova “Həzi Aslanov” ordenini və Veteran Tankçılar İctimai Birliyinin sədri Hacı Əzimov isə xidmətdə göstərdiyi xüsusi bacarığına və qazandığı nailiyyətlərə görə 10 nəfər zabitə fəxri fərman təqdim edib.

Bir qrup hərbi qulluqçu isə Milli Dəyərlərin Təbliği Fondunun qiymətli hədiyyələri ilə təltif olunub.

Sonda hərbi hissənin komandiri Firdovsi Bəyov tədbirin təşkilatçılarına öz adından və tabeliyində olan şəxsi heyət adından dərin minnətdarlığını bildirib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video