13 Avqust 2022 17:26
463
İDMAN
A- A+

MOİK təmsilçiləri V İslam Həmrəyliyi Oyunlarında uğurla çıxış edirlər

Türkiyə Respublikasının Konya şəhərində keçirilən V İslam Həmrəyliyi Oyunlarında Azərbaycan nümayəndə heyətinin tərkibində Mərkəzi Ordu İdman Klubunun (MOİK) təmsilçiləri də çıxış edirlər.

Müdafiə Nazirliyinin mətbuat xidmətindən AZƏRTAC-a bildirilib ki, yarışlarda MOİK təmsilçiləri 1 qızıl, 1 gümüş və 1 bürünc olmaqla Azərbaycanın İslamiadada aktivinə 3 medal yazdırıblar.

Medallardan birini yunan-Roma güləşi üzrə 82 kq çəki dərəcəsində mübarizə aparan kapitan Rafiq Hüseynov qazanıb. O, əzmkarlıq nümayiş etdirərək bütün rəqiblərinə qalib gəlib və fəxri kürsünün ən yüksək pilləsinə yüksəlib.

İdmanın taekvondo növü üzrə 46 kq çəki dərəcəsində mübarizə aparan təmsilçimiz Minayə Əkbərova həlledici qarşılaşmada mərakeşli rəqibinə məğlub olaraq yarışın gümüş medalına layiq görülüb.

Digər təmsilçimiz Nazilə İsmayılova ağırlıqqaldırma növü üzrə 45 kq çəki dərəcəsində gücünü sınayıb. O, birdən 54 kq, təkanla isə 67 kq olmaqla iki hərəkətin cəmində 121 kq nəticə göstərib. Xanım idmançımız həm hər iki hərəkətdə, həm də onların cəmində 3-cü yeri tutub.

Qeyd edək ki, V İslam Həmrəyliyi Oyunlarında medal qazanan idmançılarımızın məşqçiləri də MOİK-in nümayəndələri baş leytenant Həsən Əliyev, Məmməd Abdullayev və Emil Əliyevdir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video